親子聖誕旅行Day 9

朝早起身食過早餐,番上房間收拾3喼(大中小各一),加埋一個有底轆既手信袋。暫存行李於大堂,等風雪稍弱,我哋就去中島公園玩多次雪(原本我同領隊話太大雪,唔去公園,幸男顯得好失望)。

雖然係無咁大雪,但都係好密集,。難得有新雪,我同幸男都一齊訓係軟綿綿既雪地上。

白茫茫一片,能見度不佳,但都要自拍家庭照~

A7作品:雪能量小子(ROCKMAN 1裡既ICE MAN?)。我同幸男講:"北海道唔捨得幸男要走,所以特意落多場新雪俾你玩"。

忍唔住要用雪黎急凍幸男,幸男不時問"得未呀?",我答"就得就得.."最後幸男躍身而起,令雪花四濺。

大家都把握最後雪戰既機會,盡情搗蛋!

連環快拍下,捕捉到雪球既軌跡動感~兒女開心等如自己開心既情感,湧上心頭。

破冰滑梯,順便收集材料做雪球。

兩父子鬥砌雪球亙扔,睇黎我個"螺旋丸"大幾個碼。大家夾好時間,"1,2,3",向對方投撙,搏中間兩雪球亙撞,可惜唔成功......

臨走前,有一個外藉女孩走向幸男隔離,想一齊玩雪,仲用雪球拑黎整完美雪球俾幸男。幸男答人哋"ありがとう",原來幸男以為女仔係日本人(擺明係金髮白種人金髮),仲以為女孩既媽媽工人姐姐。

午餐係酒店附近既寶龍拉麵享用,尋晚經過時好多人排隊等位,反而午市無咁誇張喎~

店外有到訪名人之照片,但似80,90年代既時空,細看下發現資深演員既年輕照片。

排咗半個鐘左右就可以入座,對比店內既照片,應該只係有少改動,保持裝潢平實。

一人一碗拉麵兼餃子,味道絶對值得排隊等候。

動身行番去酒店,幸男稍為帶前,呢張相好似係佢自己一個人孭背囊去流浪咁.......

原本打算幫襯多次呢間餅店,試其他款式既西餅,可惜唔夠時間。

之前路過既郵局休息,今日係機場搵到郵局,於是叫幸男揀張名信片,寄俾婆婆(寫得唔工整,俾父親大人訓示)。

酒店附近便利店買既冰凍啤酒,因為全程鐵路兼要手腳並用黎夾住兩個喼,一直都無機會飲,結果要臨入安檢前豪飲微涼啤!

幸男心急睇電視,可惜亂按之下,鎖咗個畫面,結果俾領隊訓示,並要空姐幫忙解鎖。幸男依舊臨落機至黎訓覺,每次旅行都係深切管教班,今次旅行幸男既表現較往年好,無咁多搗蛋。

PS:北海道雪景既情義結,聯乘白色聖誕節,令我省去故地重遊既納悶。