陪三婆孫遊大阪Day4

今日係跟鴨仔local tour去淡路島，係道頓堀鐵路站外集合。搭一個鐘多啲旅遊巴車程，先去望無敵海景既幸福班戟(總店)。

操國語既男導遊花花(蘇州人)，特意將呢個下午最後景點抽前，為免多人排隊，可惜呢個術式唔多湊效。我哋果車鴨仔團，以港澳台客組成。

見韆鞦位條隊短啲，用A7 V同領隊影番張打咭照先。

見餐廳條隊無咩郁過，如其乾煎，不如去斜坡上既寵物友善既分店涼冷氣。

其實之前係金澤旅行時，已經去過A HAPPY PANCAKE既分店。我就只係志在涼冷氣hea吓，兼顧住外母既熱衰竭危機。

去鐵路唔到既景區，又無自駕既能耐，無奈都要跟當地一日團。坐坐吓發現，同團既團友都有入座，放棄無止境既等待。

校啱時間埋單，去車場上旅遊巴前影多張合照。

幸せの駅(偽火車站)路軌上，兩婆孫合照。

下一個景點係葡萄種植場摘提子，充份利用鴨仔團既優勢，搵導遊代揸機。

記得幸男K3果陣去北海道葡萄田時，可以企直晒個人，唔洗彎身而行。

外母連較剪都唔駛用，直接手摘!我哋怕熱，無係種植棚內享用收成。行咗去棚外既休息室，話係室內，但都唔係涼好多.....

14:30，遲來的午膳時間，色彩繽紛既貨櫃食肆區。

隔住硬頂蓬望海，都堅係熱，難得兩婆孫仲可以擠出笑容。

我已全程開住REON POCKET PRO涼背脊，頂住為領隊影望海側身照。

最後一站，係淡路花卉山丘，免費入場。搵到個靚位，咁啱又無人行過。

領隊攞定個位，託外母幫我影相。

天海花人。

行樓梯上展望台，雙眼抵住太陽自拍。外母就係樓下搵位避太陽，坐住等我哋。

領隊條裙，原來係海天一色。

差唔多人咁高既太陽花，印像中係第一次見實物。

遞高手示意，就係嗌幸男過嚟合照。

鴨仔團係番道頓堀解散，入夜燈光之下，發現唔少牛郎poster。

黃昏magic moment，如果有腳架逗相就好了。

唯有搵啲可以發揮snap shot既主題。

為咗夠wide得番12MP，純為咗經典打咭位自拍。

領隊為大家晚餐訂定枱，係燒肉牧場享用。雖然特選海鮮(鮑魚同帝皇蟹)係一次性，但食埋啲和牛都好夠飽。

回程搭鐵路番酒店前，去咗行DONKI，心齋橋附近用Flip 7為三婆孫打多張咭。

PS:辛苦外母朝早係鐵路站趕行去鴨仔團會合地點。