朝早落酒店餐廳食早餐，自助餐型式下，各自都搵到啱食既組合。
番上房坐陣就正式出門，領隊跟住google map行去巴士站，為趕前往神戶三田PREMIUM OUTLETS。
一個鐘車程左右到達，行咗兩個鐘就去food court搵枱食晏。無諗到咁墟冚，分三個位置等，差唔多半個鐘至有枱。行outlet都係攰，見到有一家大細既當地人，體力不繼到要訓陣貓仔覺。
今次主力係幫幸男添購非波衫便服，好在都有收獲。
NIKE鞋倉，睇啱鞋款就自己搵size，再搵位自己試，試啱就排隊俾錢。幸男嫌著住果對舊鞋，行得耐就腳板痛(扁平足?)，所以出到店外就搵櫈位坐低換新既air墊運動鞋。
~2.jpg)
好天既日子，拎住戰利品都唔怕耷濕，但就會曬到熱~
每次旅行都會有導遊小費禮物，店內有個操國語既男職員為我哋介紹。我就提議呢個黃色既手袋，趁仲係夏天之餘，個色亦無咁悶。
成功購入，但新品配番條絲巾繞把手位，搞咗好耐。
滿載而歸五點幾搭巴士回程，番酒店落貨。晩餐地點係酒店附近既商場food court-Time Out Market OSAKA，外母先食章魚燒做前菜。
除咗幸男之外，大家都係食拉麵，領隊又嚟清酒tasting。
典型年青人，Pizza配沖繩黑糖手工可樂。
Food Court既好處就係咩都有，行過見有甜品店，又可以買番嚟埋位食。
唔知點解領隊每次去日本，見到SAKE tasting set就會雙眼發光。
幸男絞肚痛，所以三婆孫先番上酒店房間。我就飲埋杯啤酒，走去Bar枱問可否嗌menu以外既cocktail。特登問SAMURAI，結果店員上網search完recipe，用計數機顯示價錢作實，就動手制作。味道一般，始終無鮮柚子，但欣賞酒保既努力同誠意，畢竟可以話無就算。
番上房沖涼開平板睇F1荷蘭站，Lando Norris頭位起步順利，但係Versteppan炒車(lap1最後彎位)及其後Bearman既退賽，再起步時未能壓制後方既Kimi。第一輪跟Kimi一齊係22圈入pit，第二輪比Kimi遲7圈係47圈至入pit。第54圈先追過第二名既Kimi，繼而係同圈過埋頭位既咸爺，最終成功守住第一位完賽。
第69圈時大會訊號不穩，台灣網斷然轉播"寶寶台"，雖然無咗數據，但至少有畫面睇。問番嘉耀，NOW就無咁既"神調動"。
PS:寄望McLaren可以繼續活躍~多謝幸男既"疴most"笑話。
