點解會著成咁?因為今日做兄弟,為潘哥既大喜日子幫手嘛~
朝早係新墟巴倫紐荷對面既茶餐廳會合華b同阿禮一齊食早餐,再去老麥買個早餐外賣俾新郎哥.坐阿禮車去元朗采葉樓下會合阿潘同阿飛,三架車浩浩蕩蕩咁上公路入馬鞍山接新娘.
姊妹們都唔算為難,我都只係要做吓掌上壓同行吓石春路,執番身彩~其實今日我都唔係太幫得手,大多數工作都係由新郎哥義工組既兄弟代勞.佢地真係好認真同落力o架,可能係搞開活動既關係卦.
成日既流程都好順利,接新娘,攞外賣野食,去伊甸園觀禮,酒店場地佈置,操作煙機(新人進場).不過夏天著老西真係幾熱吓,我本身又大汗呢~
臨尾新郎哥同我地一班出席宴會既pdn3男同學(jay,彪,percy,華b,禮同我)一齊舉杯飲白蘭地(我第一次飲咋),黎接受我地對佢同阿嫂既祝福.
潘哥,再一次祝你同阿嫂永結同心~好開心可以係你既大日子盡一分力~~~
ps:唔該阿飛載我同人家番屋企,同幫我傳啲寄存物資入我屋企~
