今日晏晝同台灣女生出尖沙咀百利商場還頭飾,但店舖無人係度.人家打過電話俾姐仔,最後叫我地放係門外裝宣傳單張既籃仔.出開黎,人家話不如去羽絨城睇褸,因為我地黎緊一月會去北海道 補渡蜜月.
呢件就係人家睇中既褸,本來人家話想要粉紅色,但我話怕易污糟,最後揀咗呢個軍綠色~~
而我就揀咗呢款,本來想要啡色,但無中碼,唯有要黑色啦.人家話啲"啪"鈕好睇,我就覺得好似心口打十字咁
其實價錢都貴,所以我地先睇同問一次,跟住再去旺角上樓店睇啲要著兩件至夠暖既組合(擋風shell配保溫羽絨褸).個款就差啲,加上如果出入有暖氣既地方的話,除一件好似方便過除兩件咁.再加上人家個心早就係之前係羽絨城見個款,於是行多陣玩具店就搭地鐵番去買.人家咁怕凍,當買件好啲同暖啲囉,而且第時去北京都可以著丫~~
一如sale哥仔所講,番貨真係唔多,我就因為咁而要由啡色改買黑色,而人家個款就得番display個件....今日係我人生中第一次碌爆咭,哥仔試咗兩次都係"不接納",事源係我用咗黎找星期六餐飯局,所以耗盡個限額(唯有用另一張咭).
希望出年會有個美好既假期,順順利利,開開心心~
ps:今日係兆萬搵到隻之前睇中咗,但從未見過現貨既電單車變形金剛.雖然係係三隻組合裝既盒cut出黎賣(無獨立包裝),但我都買咗.無法子,電單車兼變形金剛,好難抗拒.
