呢個就係我係公司canteen食咗好多年既百搭早餐,其中凍奶茶,煎蛋,多士同牛扒係鐵膽,只係個兜粉麵係即日時令,二選一.
食完早餐,有驚無險咁就放工.同台灣女生一齊搭輕鐵去市中心既"專業"問吓出年大假機票酒店既事宜.當地旺季兼且我地遲book機票,度度都話無confirm既機票,齋waiting...
咁啱人家打咗成朝既東瀛遊電話接通,話轉機的話有confirm既機位.經過商量後,決定轉機plan.但當人家再打番去東瀛遊時,已經再打唔通.
於是我地行去秋田食晏,人家戴住個handfree黎等熱線打通,好似個商界女強人咁.最後臨上巴士前就接通,係電話上用credit
card過數hold機票,再出去尖沙咀總店問詳情.
出到尖沙咀時已經係近五點,太空館門外有個恐龍頭陳設,睇黎係有關恐龍既全天域電影上,都幾有興趣~~
一落車就去相熟商場厠所,之後再去總店排隊問野.星期六既關係,都幾多人吓.查詢完之後,我地決定先係屋企上網check吓啲酒店同個行程,星期一再落訂同book酒店~出年既大假總算有著落~~
ps:番完早更,新眼鏡,食飽就熬車,好辛苦......
