東京親子旅行 Day 1

朝早九點幾機,一家三口出發去東京.原本今年台灣女生轉咗工作崗位,夾唔到大假一齊旅行,幾經波折,卒之遷就到今次既假期.雖然準時上機,但起機時間延遲咗(等起飛時訓著咗,醒來已經係半空).
今次搭ANA,幸男當然開心,因為有電視睇.幸男睇睇下叮噹時,空姐派兒童餐,幸男唯有將電視定格,食飽再睇.

呢個飛機餐啱晒食量唔大既我，廉航雖有得order餐,但賣相都無咁好同豐富.

幸男不時窺望窗外之景觀,我就偶而用智能電話相機黎影吓高空風光.日光日白,訓得著既時間唔多,其他時間都係聽智能電話內既mp3歌.

當地時間四點幾至落機,排埋隊入境兼攞行李,五點鬆啲等巴士去酒店.臨近巴士埋站既時間,委託幸男看管行李兼排隊.

搭咗個零鐘巴士到前年光顧過既Park Hotel Tokyo， check in兼上房放低行李就落lobby既花山椒食懷石料理，因為太攰同晏了…

好在有位，雖然係高枱位，但無所謂，反正幸男都已經係小學生。望完餐牌，點咗份冷麵同燒雞肉俾幸男。對上一次去係旅行酒店食晚飯，已經係2013年沖繩。

我同台灣女生都係點咗廚師精選晚餐,前菜既魚生已經相當吸引.

主菜上枱,日式燒雞肉順利加入幸男的喜愛。

相機食先，唔係就嘥晒咁靚既餸，又香又脆。

呢份石燒牛肉，真係無得輸。

雖然每碟餸都好精緻細份，但食埋壓軸既魚生丼同足料味噌湯，我同人家都無餘力食幸男果碟雞肉。

平日唔太好生果既我，都覺得粒提子好甜好香，好在有散叫一份俾幸男。

由於房間不足兼價錢較貴,所以無好以前年十月旅行咁升級大啲既房間,可能係暑期旺季卦?

房間方向依舊望向東京鐵塔,但燈色郤不再是橙黃色,而係明亮既白光.