首先係排隊到櫃面登記,客人取過手帶及貯物櫃鎖匙,就可以前往更衣室,幸男當然係跟住我入男更衣室.
我哋先係場內浸過溫泉池,再係餐廳用膳.見唔少遊客都用手機影相,於是領隊提議我入更衣室拎番部電話同防水套.
上到山區，比起車站平地涼好多，加上清風，夏天浸溫泉都無咁想象中咁辛苦。
幸男係嬉水滑梯玩，我就係池邊既太陽椅曬太陽，領隊負責影相。
之後幸男跟我入男湯，享用傳統溫泉浸浴。領隊約我哋3點左右係小食部等，一齊嘆凍飲(幸男：橙汁，領隊：牛奶，我：Coffee Float)~所有既消費都以手帶作記帳(內置晶片？)，check out 時才一併付款。
夜晚又落番新宿，今日既特别任務係幫賢仔買3DS既game.
個人較喜歡白光街燈下既夜景，色澤及輪廓都特出一點。
晚飯係食西餐鋸扒,齋望個餐版就已經好期待.
無諗過兒童餐既包裝係新幹線,呢個角度望落去好似係新幹線望住幸男.
餐廳特色係自家製麵包，侍應捧住新鮮出爐麵包。如顧客枱上有呢張咭，侍應會向你介紹，並呈上客人要之黎數量。
漢堡扒,粟米,薯角及布丁,相信唔會有小朋友會話唔啱食.由於幸男唔鍾意食芝士蛋糕,所以由我代為處理.
領隊揀既係三文魚沙律,感覺好清新.
我就揀咗燒牛肉沙津~
和洋式鐵板牛扒比較精細，除咗自選既和風醬汁外,客人更可配上山葵及蘿蔔蓉,增加層次感,免得味覺沉沒於單一醬汁之中.
為領隊影相時,幸男伸個頭埋黎,小朋友就是這樣~
食咗三款包,而且主菜都食埋,於是反卡以示意不需麵包.
食到最後，領隊至醒起漏底咗袋手提行李係列車座位上既行李架。幸男漏咗袋箱根手信係溫泉 resort ，無諗過領隊都老猫燒鬚。
