最初只係德褔MCL有得上,無諗過上星期起屯門UA都有得上,今晚我同OSCAR,David係市中心MOS burger食個快餐,就入場睇八點半.
雖然網評話同原著有出入,麻麻地,但我又覺得新既編劇,為大家帶來新鮮感,以及補足原著既垢病.例如以往每位主角要打多過一位黃金聖鬪士,明明瀕死狀態,但又可以趴起身兼行去下一個宫.電影版裡,星矢只係金牛宫劈斷牛角;獅子宫打到一半,處女座沙加就出手相助,讓星矢繼續前往;最後當然係打教皇雙子座.紫龍就一片心打巨蟹座,冰河就齋打水瓶座,阿瞬同一輝就只係混戰山羊座及天蠍座,節奏及邏輯性有改善.CG表現出黎既絶招,充滿壓迫感!
雅典娜己不再係中咗箭就訓係度,等星矢等人突破十二宫.女神中咗魔矢座既攻擊,身上出現符咒,令小宙宇不斷流失.聖域十二宫初段已因過度流失小宇宙而未能跟上大隊,要由白羊座及金牛座參扶上路,繼而向倒地既紫龍及冰河施救,比原著遙距輸送小宇宙支援來得自然.(同樣地,星矢被雙子座打倒時,雅典娜及冰河紫龍阿瞬等人伸出手掌於星矢胸前,支持男主角起身再打,亦優化了以住既不足.)
好開心可以與同時代既中學書友一齊入場睇呢場電影版星矢,一齊用coupon食快餐,好有中學既感覺.Ending星矢身穿射手座黃金聖衣,以半人馬姿態抱住雅典娜於天上迴避攻擊,並一齊拉弓了結雙子座召喚之魔神,實在好型,又切合神話主義(話晒都係女神有份拉弓出力).
PS:兩個鐘絶無冷場,只係巨蟹座唱歌個段有啲趕客,其他時間都好似睇緊Final Fantasy咁華麗.
