今日一家三口出席阿Bill細仔既西式百日宴自助餐聚會,咁啱係會場入口附近就撞見阿嫂同世侄,當然要合照.
Function Room內有以海洋為主題既氣球背景幕,可惜我地無機會睇到負責人員點樣將啲氣球組城一幅咁靚既畫.
主人家為賓客準備自助午餐,味道如何?睇幸男呢張相就知了.我叫幸男同廚師叔叔講,但幸男怕羞唔願講.
食完坐完,我地就去咗黃金海岸隔離既中華白海豚廣場,啱晒鍾情海豚既幸男.以前番完晏騎羊同台灣女生一齊係度飲鹿仔牌香檳仔黎倒數元旦.
台灣女生話今日既悠閒,好似係大假旅行咁.近來都少一家三口出去行吓兼影相,睇番啲相至知幸男單腳企.
今日好大風,吹到我個頭好似癲佬咁..........
其實今日好熱,我地行番去黃金海岸商場時已身水身汗.為咗消暑,我地入咗7-11買凍飲,幸男仲食埋雪糕.
畢業十年有多,每次係公司撞見同房,都有數不完既生活難題分享.可能大家既性格都係無咩機心,往往係工作上會有多些體會.人愈大,以住啱傾既朋友可能會變得陌生,所以更加令我覺得日誌可以令自己反思吓.
PS:多謝主人家既邀請,我地一家都好享受呢個愉快既下午.
