今日全日既賣點係鉄道遊,首先乘搭既係隼人之風號.
外型懷舊,但車箱內籠没有半點殘舊既感覺,和式既佈局配上不經意既貼心設計,令乘客十分舒服.
車內有日期牌供遊客影相留念,無諗過我會以玻璃窗既倒影,與台灣女生及幸男合照......
幸男坐係共用既望窗側位,邊食住至愛既紫菜黎欣賞風景.
人家陪住幸男,我望多兩望風景就大覺訓.點知突然俾人家叫醒,話要轉車,我眼都未瞪大就孭袋又渣相機影住相黎轉車.
領隊叫我幫幸男影相,我又立即上前同幸男溝通企位,再蹲下來調控相機(都忙都忙.....)番到上車,人家叫我落車買飲品,我又落車,原來人家同一時間又落咗車買弁當,得幸男一人留守車箱內看守座住上既行裝財物.幸好日本既國民品德良好,如果係其他地方,小朋友及財物分分鐘不保........
係肥薩線裡買埋個粟子形弁當,一家三口就係火車裡享用午餐.
幸男呢張相夠晒帥氣,用黎相睇都得.幸男呢個名夠晒東洋味,對火車既熱愛,啱晒九洲鉄道遊.
係人吉站轉車,我以天涯鏡窺探車庫,見主角蒸氣火車人吉號已作最後既整備.
旅遊書上出現既弁當伯伯,大方地俾遊客們影相,仲問你可以未才繼續兜售弁當.
車站內有唔少呢款有轆既魚作裝飾(唔知係代表咩呢?),幸男亦有坐上去玩吓.
距離蒸氣火車開動尚有一個鐘有多,我地行咗去附近既青井阿蘇神社參觀.
經過櫻島月讀神社既經驗,幸男已好熟神社既禮節,洗雙手及漱口.
買完平安符,時間己唔多,係神社外既拱橋為人家及幸男合照後就動身行番車站.
買咗杯雪糕俾熱到頭都濕埋既幸男,由於幸男邊食邊行,大大影響大隊既進度,所以我抱住幸男黎行.最開心既當然係幸男,有人抱之餘又有雪糕消暑.
番到車站時,蒸氣火車已從車庫行到車站.幸好仲可以排隊拎住塊日期牌同蒸氣火車合照(有勞火車女職員渣機).
職員於車箱內派發火車路線圖,雖然唔係彩印,隨手畫既簡單線條,反而增添不少親切感.
其實幸男全程坐係最後既觀光車箱,望住景物及煤煙既後退.我要係中途站落車至可以呢張相作表達,尾卡既獨特設計.
幸男見我地食魚生,話又要食埋一份.幸男試咗一細塊後,話又香又甜,點埋啲汁汁仲好味.
我就叫咗杯白波燒酌,飲落又無咩特別啫,早知試杯再高階啲既燒酌.
其實晚飯前我負責one on one幸男,好讓人家可以安心去女裝部大減價.呢幾晚幸男都好攰,故事書都無打開過,幸男攬住啤啤熊熊就呼呼入睡.
