門下食客

自從屋企發生<無間道事件>至今,雖然已經告一段落,但我始終未能忘記人性既一面.

由我知道真相起,我重新同自己講"你只係x家門下一個食客",咁樣我會好過啲~

而家既我除咗食飯外,好多時都係困係間房度,再唔係就番工同出街,個人好攰同冰冷.有時覺得番工仲好似自然啲,唔洗係屋企避黎避去,見面而無野講.

只係想快啲到五六月搬出黎住,等自己可以得到釋放~

ps:古代食客之duty-做說客，出主意，保安，打仗，狀聲勢

尋日區內行,今日通山走

尋日番完夜,訓到十二點幾就起身,幫台灣女生包好份禮物(夜晚中大同學飯局交換之用),騎羊去人家樓下送貨兼兜人家去兆康西鐵站搭西鐵出去.
放低人家之後,騎羊去富健間銀行搞啲手續,再騎羊仔去海趣坊間大新換coupon,點知原來係要去市中心既豐明至有得換,於是又騎羊去市中心.幾經波折,卒之都換到兩張意粉屋既coupon,唔錯~

跟住行去相熟髮型屋剪頭髮,中途見到架電單車又忍唔住影張相(honda CBR150R)~

同tiffany講吓近來腸胃炎同食錯嘢既經驗,又講吓出年結婚既野.剪完髮,行去置樂食個單身漢餐,再係相熟商場睇玩具,無咩心中,去藥房買支keri既body loion.

係實惠買咗個兜黎裝更衣室既沐浴露,再行番去市中心睇吓有無平衫執,最終係idc既18/20買咗件半價衫(半價咗都係有啲貴喔..內疚x1),再去吉之島既超級市場買咗三罐tetleys同特價錢14.9兩兜既五粒裝CP雲吞(人家好鍾意食嘛~).

最後係雄峯睇天朁衣everwarm,sale哥仔介紹mont bell較通風唔出汗,仲話薄身都啱我渣電單車用.我話渣電單車好大風同凍喎,但哥仔答中厚係去日本至著,咁咪買薄身個隻囉.點知番到屋企睇番個包裝至知係爬山(climbing),水上活動(water sport),行山(treking),踩單車用(cycling),中厚至係電單車(motorcycling)用.....(好在用日文拼到出黎啫)

騎羊去接人家落巴士兼試件天朁衣,效果麻麻,可能直係要補錢換件中厚......

今日去同阿潘,阿飛,a&e同事一齊打war game(paint ball).朝早起身太me mo,戴埋con都八點十個字,於是打的趕九點係公司七仔集合,點知仲有人未到,可以唔打的都得.....

估唔到有李兄弟都去,但係佢就sleeping,打半日就走.坐阿飛車入去個場,由於彩彈槍成日jam彈,入彈又較煩,每個夾只能入廿粒,換彈夾要密同準,唔係就會打空槍(我試過好幾次因此而被打中),粒彈射程又比bb彈短....整體係晏晝既盆菜較出色.

其實今朝起身時已喉嚨痛得好緊要,但為免放飛機掃興,所以都帶住愉快既心情去打,但愈打就愈攰同個人發慶,四點唔夠就留守係安全區飲可樂抖吓~

坐阿飛車入村,真係唔該晒.沖個涼就食感冒藥訓覺,訓到八點幾至醒.騎羊去接人家放工,再去市中心.

先去雄峯補錢換過件厚啲既天朁衣,再去老麥食個餐當晚飯.係人家既陪同下係市中心買咗兩件特價衫~跟住就騎羊送人家番屋企lu~~

PS:呢一兩日洗得太多錢添

I.T.開到入圍村?

香港經濟復甦,消費力增強,所以各品牌店都開分店,引你行過都忍唔住會入去望吓.

你睇,而家直情係殺到入圍村,以村屋式鋪面黎做招來~大家睇真啲,屋頂拉晒banner做記認o架.

胡鬧完o勒,今日同台灣女生係村口茶餐廳食個下午茶餐.人家叫既日式餃子米線難食到極點,於是散叫咗個豬扒包,我當然係食雞翼薯條啦~

跟住我地打的上人家屋企放低啲野,再搭輕鐵去新墟既巴倫紐荷睇"新鐵金剛之智破皇家賭場"主角丹尼爾基克故之係差,但故仔亦都麻麻,無咩高潮位可言,占士邦竟然俾女人玩......(初出道,少不更事?)

睇完戲,走去市中心改介指圈數,兼且睇埋結緍介指,睇中店裡一個日本既系列,又有一款幾啱心水(系列主題係法文字EMBRASSER,呃得吓人,後黎上網睇番我地揀個對叫darling),咁就作為送俾人家既聖誕禮物la,真係有啲搵人家笨~

sale姐姐話我地係出罕有地係唔洗改就啱戴上手,可以即場攞走既客人~

之前都諗過好幾個聖誕禮物方案,如NDSL(但人家少打機咗),軍曹轉眼公仔(之前送咗軍曹情景figure set好似有啲重覆),情侣錶(無咩信心買到人家好喜歡既款,之前又無同人家去錶鋪探口風),係種種隱憂之下就另選結婚介指作為"史上最無誠意,但又最有意義既禮物"(無誠意在係一齊揀既禮物,有意義在係結婚大事).

開開心心咁行多陣,就去大戶人家打邊爐(九點後).食完就送人家番上樓.今日新聞話日本爆發腸胃炎,唔知我同人家又算唔算係香港既先前部隊呢?

ps:結婚事宜又邁進一步,下星期可以安心去添馬艦嘉年華玩lu~~~

聖誕撮要

今日台灣女生都係唔太舒服,但都繼續番早.放工後,我同羊仔黎兜去建生間巴蜀風食麵.人家都係無咩胃口,食幾啖就食唔落,於是送人家番屋企抖吓,今晚仲要返夜班呢~
夜晚andrew約我同八個洞一齊去燒野食,話晒係星期六兼聖誕前席,所以我提早騎羊入龍鼓灘"流星花園"攞位,好在咋,好多人,已經係得番last兩個爐

好可惜,andrew同楝哥搭巴士入黎要兜好耐,我一個人係度燒住雞翼黎等,對面張櫈放住個背囊,好似cast away中TOM HANKS 同個排球WILSON一齊咁.........枱枱都係一班人,可能人地覺得我係一個痴漢,一條冷黎燒野食.

等到人齊時已加咗次炭,無所謂啦,繼續燒,食吓傾吓咁啦,不過人家就好唔舒服,仲俾同事捉咗去睇A&E,但要等三個鐘,所以人家番上ward繼續番工幹活...

24/12

本來諗住接人家放工,但太攰唔知醒起身,唯有放工騎羊上人家屋企探病坐咗陣.

25/12

朝早番早更,幾忙吓,放工時已好攰.上咗人家屋企食過外賣下午茶同坐陣.幫人家拆開上次係戲院睇鐵金剛時送既keroro figure set,放入之前送俾人家既keroro房間,等佢地聖誕節熱鬧吓,就同人家出門.夜晚係水邊圍間泰國野食,但水準愈黎愈差,睇黎下次都唔會點幫親.

跟住元朗劇院睇"美國史賓沙之不可思議魔法show",真係一分錢一分貨,個表演好"雞".....無咩新意之外,仲要係擺明係觀眾有"梅",個個都有英文名.....(在場有個翻譯講中文,魔術師講一句,佢講一句)

好幾個所謂大型啲既表演都俾我同人家睇出端倪.其中一個表演係穿石屎磚牆,魔術師講到好似好勁咁,又話係台上面好多年無人表演過.我心諗當年大衛高柏飛係穿長城喎!其他濕濕碎碎既小魔術反而可觀性高啲.睇完個表演,我地行去買沙嗲燒雞翼食,之後就搭輕鐵走人lu~

ps:多謝人家既聖誕禮物

家庭暴力(三國無双版)

今晚去咗睇"滿城盡帶黃金甲",感覺好似係古代家庭倫常糾紛為主題~

色中餓鬼既太子同無血緣關係既母后有一手,皇上知道後就係母皇后每日既藥品中加料,要佢慢慢毒發,暗暗抹走呢件唔見得光既事,同平息佢既怒火.

皇后不甘坐以待斃,向貴為二皇子既親生仔"周董"講出毒藥事件,希望劈得幾吓既阿仔加入叛反軍.忠孝兼單純既"周董"就係唔知老媽偷漢既清況下答應.另一邊廂,咸濕太子係不知情下同咗個同母異父既宫女有一腿,真係上得山多終遇虎...

最後係重陽夜宴,三皇子因貪圖太子之位,籍口爆出太子同皇后既私情而一刀捅瓜太子,逼皇帝改立佢為太子.點知皇帝一怒之下打死咗呢個十幾歲既三皇子.

由於知情又怕死既太子報料俾皇上知叛軍事宜,好似趙雲咁勁既周董帶領身穿黃金甲既叛軍,最後不敵皇上既佈局,終被生擒.周董不甘被迫親手要皇后飲毒藥而自剄...

一夜間,三個仔死晒.電視都有話啦:"贏咗場架,輸咗個家,何必呢?"

PS:本人覺得全齣戲既角色中,周董飾演既二皇子最慘,因為佢唔知阿媽偷食呢單野,如因佢知既話,佢未必會參加叛軍.好多時人就係係不知情之下,被相信既人利用(誘導去做一啲決定或選擇),真係訓底咗都唔知咩事~點解咁感觸?我都係過來人嘛....

http://www.hkswa.org.hk/Current%20Issues_Tinshuiwai_advice.htm

繼續sickleave,返夜更遇舊友

朝明六點幾起身都係唔多妥,於是打番ward話返唔到早更,但夜更就一定番.咁耐以黎都未試過唔番兩日工,內疚之餘,又唔好意思.

全日既行程就係食藥同訓,發吓怪夢又醒吓咁,腸抽筋都好似易handle啲.

夜晚照舊食幾條菜,就出門.由於之前應成過同事會買蛇羮,於是騎羊去蛇王輝買.

返夜期間有一個一黎escort case 既pc話認得我,我"R"晒頭,跟住佢話自己係當年D10既MG仔,我聽完之後就記起同叫出"呀,豆腐花!"pc聽完之後諗一諗至答"係呀,豆腐花"

五年前我仲係yr3係十樓打滾,佢食野都無力,最多都係食豆腐花,佢屋企人買上黎叫我地幫手雪入雪櫃(因為唔擺得耐),後黎出院之後就無再見lu.今次相會佢講番佢輾轉被轉介去QEH再做埋個OT(神經增身所致),之後係屋企休養,做過office,物流,但最後"簡"入學堂,今年十月至passing out咋salute to 新紮師兄 佢話患病後人生觀改變咗好多,覺得當差會幫到人,同比之前既工有意義啲,又可以操番自己既體能.體能比同年係差啲,但唔洗再食藥~

由MG仔變做PC仔,好犀利,過程相信都好艱苦.有緣相見,我以night food既傑傑湯,同蛇羮黎招呼呢位久別既朋友,好開心,因為今次唔再係豆腐花,而係精精神神咁食自己想食既野,啖啖肉都吞得落~

見番佢令我咁多年黎既灰暗帶黎一點暖光,雖然我平時做既係好少好少(基於人手同組織體制問題),但係有心人既眼中係重要同感謝.

成晚都幾忙吓,好在兩位小妮子同傑傑既幫手,今日真係有啲頂住上既感覺~

ps:希望你同女友家人既關係會好啲啦,珍惜眼前人~仲有身體健康~

?rotavirus ?流行性GE?novovirus?

好辛苦挨到今朝,本來台灣女生話過黎陪我睇醫生,但點知人家今朝起身都嘔吐,好辛苦,唔通俾我傳染咗?探熱都係有少少燒,食多粒panadol,飲咗幾口水.約十一點幾起身沖涼梳洗,換好衫,就一個人好慢咁行出村口茶餐廳門口等的士,今日條路好似比平時長啲咁.我個肚就好似個天咁清,嘔到空空的又食唔落野.上的士去睇gp,個姑娘係咁問我係咪本人,可能我個名太女性化,佢地以為我幫個女黎卦號.

等咗大半個鐘至有醫生睇,話我胃炎,可能係rotavirus引起,話呢排好多人都係咁唔舒服同嘔.呢個醫生係我讀中學時,學童保健計劃既醫生,都睇咗有十年咯,契細佬個家姐又係度做姑娘,不過今次唔見佢,唔知係咪轉咗工呢?

報完sickleave,去超市買保礦力同果汁,白麵包做糧餉,再打的番入村食藥訓覺休養. 人家就係伯母陪同下去樓下gp睇醫生,又係話GE,報咗今日SICKLEAVE...各自各係家中抖....

夜晚屋企人打邊爐,我都只係食幾舊蘿蔔,菜同龍蝦仔肉就離席,又係房裡探熱,食藥同迷迷糊糊咁訓....(發咗好多個怪夢,訓吓又醒吓咁)

PS:唔開心惹到人家都病埋...

脈衝式嘔吐,發燒38.3,發冷

今朝返工好忙,忙到都點半鐘仲係度最後衝刺.放工同阿潘去建生食晏仔,食完就騎羊返入村,執好個檔幫羊仔清洗打腊.

點知搞到中途,覺得個頭好痛,個胃又好辛苦,"那住"咁.好唔掂,有好幾吓個人想暈低咁,好想嘔又嘔唔出.草草了事咁收檔,諗住抖吓無事,點知訓係張床度都係辛苦到訓唔著,個胃"那"到實,係厠所嘔咗兩三口,於是同台灣女生講,唔舒服,出唔到去同人家及伯母食飯做節....探熱37.5

係張床愈訓愈唔舒服,約七點幾,衝入厠所,係咁嘔,脈衝式嘔吐,嘔到無野食嘔就嘔啲水出黎.洗完個口,入房探熱,嘩,38.3~
愈訓就愈凍,手腳發冷,要老豆幫我加多張被,同要杯暖水,雖然心知飲唔落,但都呷咗一口....老豆見我咁既樣,問洗唔洗同我去睇急症,我話唔洗啦,因我真係怕俾a&e"的"上ward.....

打住冷震咁打俾人家,叫人家代買panadol,因家中無貨,再迷迷糊糊咁訓,人家幾點黎到我都唔知.人家帶埋暖水袋黎俾我,仲有特強panadol,感冒藥,提子麵包,一個裝住暖水既保溫杯.人家仲用濕毛巾敷額頭,本來諗住訓到十一點就去睇夜診,但由於個人太攰,無力落床,同埋有退少少燒38.1,所以決定聽朝至去睇醫生.人家要一個人搭的士番屋企,好在都平安歸家.

好辛苦,好辛苦,想唔認老都唔得了.....上次發燒又發冷都係中學時期..

ps:多謝未婚妻既照顧~

西洋日

一點鐘去台灣女生屋企接人家出門,搭的士去西鐵站再西鐵轉地鐵去電影中心趕買兩點半既飛"我愛巴黎".點知爆場,得番一個前排同一個中排位....唯有買下一場五點三啦....

由於大家都未食晏,走去隔離既paris cafe食野,我仲飲咗杯好耐都無試過既西班牙咖啡.食飽飽就落去地鐵站買咗個軍曹地鐵音樂盒套票,人家話鍾意keroro成個captain既樣.再去信和,兆萬睇吓有無平野執,最後買咗個影月同變形金剛襟章俾自己,當惠勞吓自己.

行到夠鐘入場,都係幾滿吓.我同人家隔離既單丁位都有人坐,唔通真係咁好睇?齣戲麻麻地,可能每個故事太短,人家話"真的戀愛了"好睇好多.

睇完戲,搭地鐵去中環食晚飯,由於少出省城,所以都係估估吓咁行,但又成功喎~~呢間食店以$88打英國生蠔做招來,我地當然中計啦,訂枱時已預留兩打,一人食一打,好狂妄嗜蠔既人家話好食過酒店自助餐個啲添~

見個menu買支水都要$40,成餐飯叫三杯cocktail(我兩杯+人家一杯)都要百六七蚊,於是叫咗支house wine黎飲,仲叫哥哥仔幫我地影張相,話晒都係第一次同女仔食飯開支紅酒飲嘛~

主菜方面,我地叫咗個braised beef 分黎食,好"林"幾好食,但無想像中咁大份,可能之前係去美式餐廳而今次係英式餐廳卦.

叫埋個招牌甜品Bailey's Bread &Butter Pudding黎食就啱啱好啦,我地坐多一陣飲埋支紅酒就走人.其實今餐當係提早食聖誕個餐,因為更期問題以及唔想個幾日同人迫.本來想食自助餐,但又唔知去邊度食好,加上我地咁細食又真係唔太花算,所以揀係呢度食自己想食既款式(都係人家係雜誌搵到呢間餐廳咋)

兩個人飲到儍吓儍吓咁行去搭巴士,點知又無位,於是要企番入屯門,人家攰到企住黎訓,始終sleeping去咁遠,太辛苦了.....

ps:今個西洋日既元素有: paris cafe 食晏>睇法國片>去英式餐廳食晚飯(真係好似西人咁坐咗兩個鐘)

平靜一天

番完夜班,係建生買完麵包就開始落細雨,於是急急腳"手逹"著愛羊,快快歸家.冚好羊仔,入屋整理好少少"揼"濕既電單車褸同頭盔後,就食早餐醫肚~沖埋個涼就去係床上叉電.

由於今日要等洗衣機送貨,所以唔能夠出去接台灣女生放工同食晏.係屋企食埋早餐剩低既麵包就當晏晝個餐.係房裡係咁打日記,因之前太忙,未有時間打~打對眼有啲攰,就訓咗大半個鐘,六點九至起身換衫騎羊去人家屋企食飯.

七點半上到人家屋企,食過晚飯就用羊仔送人家返工.人家話想食蠔,於是打去book枱聽晚食,點知姐仔唔會講中,聽完我中文既對白後,一句"english please",唯有立即轉mode啦.,用英文book 枱都係第一次,不愧為省城既英式餐廳....由於怕人家會凍親,帶多咗件電單車褸俾人家加著係大衣之外,但搞到人家好似雪人咁脹.

送完人家返工,見羊仔無咩油剩,起程入村去相熟油站.呢個油站係我條村口度,自我擁有第一隻羊仔起我就係呢個油站入油,除非真係唔夠油捱番入屯門~

呢位就係成日幫我入油既阿姐啦~~話說有一年農曆新年前席,我帶前羊burgman 150黎入油.話晒新年,咪惠勞隻羊仔囉,我同阿姐講入白金旋風.點知阿姐話我平時都無入開,做咩入貴油?我答佢"新年嘛,常滿嘛~"之後覺得行車順啲同差價可接受(電單車唔係用太多油),所以自此就每次都入"白金旋風"~

食飽飽,,成隻羊仔精神晒,忍唔住同佢影多張相.打埋呔氣,返屋企放低啲野,同記錄吓油錢,計落今次又貴咗啲,唔通夠期換吓機油,火咀?

再騎羊出市中心買早餐同小食,順便睇吓有無平衫執,但人家返夜唔係身邊,無咩心機一個人逛.係levis store見到大佬健同阿嫂,入去傾兩句,順便攞埋隻新game走~

返到屋企,雪番罐tetley"s係冰箱,今晚可以邊清日記,邊飲番杯,繼續執吓間亂咗好耐既房.

fiancee

今日返早更,出到lift口至醒起未fax多次去新春長跑報名表,於是折返.我係緊急聯絡人個欄填上台灣女生既名字同電話,關係為fiancee.未婚妻呢個名稱特別在有時限,所以要盡量用多啲~

執開房搵到呢盒模型,本來舊年聖誕諗住砌俾人家,但諗諗吓一齊砌好似好啲,於是收埋一邊.出年結婚住埋一齊時,就可以動工~

有啲人話廿八歲結婚會唔會早得滯,其實我一路都想廿八之前結婚,啱既咪一齊囉,對多幾年都好呀~自覺真係無幾年前咁在狀態,尤其係咁忙既工作環境,真係老了,不再"當紮"時期.敎練都半講笑咁話我地老啦,教皇都係廿八歲咋~~

組織一個自己喜歡既家都唔錯丫

俾人捅?

今朝早去acc聽書,由於早咗少少放,蛟龍提議去嶺南樓去飲茶食晏(可能蛟龍係嶺南上堂時有去過食??),於是我同豆姐,ricky一齊坐蛟龍車去食晏.

泊好架車,搭lift上樓時,見到有個好似大人物既人由工作人員護送搭lfit,後黎豆姐話係劉皇發先生~

酒樓環境唔錯,大中小點都係一律$5.5,低食,但係枱上既餐牌見到有咁既餐.....

豆姐同蛟龍見到都笑出黎,返工俾人隊就算啦,連飯都要俾人桶?但又會偏偏咁"橋"係呢餐食得咁應.我地最終都無叫到呢味餸(太殘忍啦...),只係叫點心同一個雪菜鴨絲炆米,跟住就坐番蛟龍車一齊返晏lu~

電話

電話既發明係令唔能夠親身會面既人,透過網路以聲音交流心聲;將原本隔絕既局面,變成即時聽到對方既聲音,感受到彼此既存在,因此講電話基本上係開心既事.

但係複雜既都市生活中,電話唔但只係拉近人與人之間既關係,反而有時會令人與人之間變得疏離.點解?因為都市人習慣咗通過電話一定會搵到指定既人,反而少咗感謝電話令兩個唔同地方既人可以感受對方既存在以及了解彼此既心意.

電話既方便令都市人將好多負面既事情透過電話黎做,如放飛機,監察,妄語........

電話雖然可以拉近大家既關係,方便作即時既決定或約會,討論要事,臨時改動,但其實相比親身對話,感覺係無咁好(會有少少失真).

集圖册

細個時好興集圖册,電視好多時賣廣告,個排有咩卡通hit就谷邊隻,我記得虎威戰士都有,再唔係就足球明星集圖册.

無咩家低又無零用錢既我,當然係一本都無擁有過啦,不過而家我就有一本另頪集圖册.由於近排搞結婚事宜,有好多單同資料,散收收咁好惡搞,所以之前買咗本clear book入晒我同台灣女生婚事有關既公司單張同單據(例如:攝影,酒席,註册,場地佈置...).

好似一本集册咁,一黎可以方便查闀,二黎又可以第時回意吓搞婚禮既過程嘛~希望可以儲滿成本clear book啦~~

場地佈置,攝影,小歌仔歡送 k

返完夜照常騎羊去建生買麵包做早餐,番入村沖過涼食個包就訓落床(尋晚都一般忙啦).訓到點幾鐘,起身食咗個包,約咗台灣女生係人家樓下等,去附近既巴士站搭車,開始今日緊湊既行程.

首先過海去中環史丹利街,上去global wedding既office落訂同book fitting 日子.由於太肚餓,係附近既老麥食咗個餐至上樓.個office係座幾舊既舊業大廈,啲staff一般啦.睇咗份須知至知搞美國visa要啲咩文件係手,之前打電話問過話係出發前三至四個月搞visa都ok.

約五點幾,我地搭番地鐵去尖沙咀去一間人家係網上搵到既場地佈置公司.呢間公司叫monarch,都係樓上鋪.人家之前做完資料搜集後,約咗今晚六點黎傾吓.接見我地叫sunny既職員好有禮貌同有耐性,間公司都應該接過唔少訂黎做,因電腦裡都有唔少樣本俾我地睇,而且分晒場地做folder,但佢地係熊貓就只係搞過一次. 佢又無咩點說我地加錢去添多啲野同靚啲,只係好客觀咁問我地想要啲咩同show有咩可以加.好似ball room大門口,哥哥仔好老實咁話太大,唔太須要同值得去做decoration.由於個台比較大,加上我又想好睇啲,最終都係package再加少少野~

我地問sunny有無邊間攝影公司好介紹,佢無咩生意上既伙伴,但佢自己結婚同有啲客都係推介搵呢間"幸福宣言",sunny仲話指定alan會好啲~(俾埋alan手提同公司電話我地,透露alan係老闆之一)

一落樓就係比較靜既提款機間打alan手提問佢17/11有無時間,點知佢叫我打去佢公司搵個叫阿果既女仔問同叫我地上網或親身上公司睇吓啲相先.可能佢太冷漠,我收線時有啲嬲,人家話我一收線就一個細佬仔發嬲樣咁.

鑑於人家上網見有間話近黎攞奬既公司都係係金都商場(出名多黑店),而一間位尖沙咀既studio又話今日好忙,無時間招呼我地睇相,於是搭地鐵去太子既金都行個轉.

上到去睇咗間叫星映傳情門口啲相,都唔知佢憑咩攞奬,可能係最低價啦,但都話17/11個日full咗??!!跟住又去咗間叫p字頭既問,個哥仔好似愛理不理咁,又答唔實有無full,叫我地留電話遲啲覆,睇啲相都係無咩特別...

最後咪去咗sunny介紹既"幸福宣言",問alan個日有無被mark,姐姐仔話無,當日等番一個qouta,於是咪睇吓啲相囉,又ok喎~原來alan影咗十幾年相,現有腰痛,所以接job前後一日都要係放假無野做至得(姐姐仔話).個姐姐仔態度麻麻,少少似我地黎乞個期咁,但見之前問過個兩間都無期(麻麻地都無期),當慳番啲時間,就即場決定落訂.因為我地中間唔洗去婚姻註冊相處,所以姐姐仔話我地唔怕辛苦既話可以去南生圍影番轉,咁當然係好啦~

開好單,搞掂晒,都成九點幾至走人.我地行番去旺角間new way出席小歌仔既k會.小星星,小伙子,小歌仔同佢細佬已到場,我地坐底一人叫一個晚餐食,真係好肚餓~~後黎蛟龍,雞脾,esther同elaine都黎到.大家唱吓,食吓,玩吓骰盎,集體遊戲,小歌仔有細佬做"擋酒系統"添.

我同人家十二點多啲就走先,臨尾都一杯清,好有誠意o架.今晚仲搭埋村巴入屯門添,快到追到之前個班巴士~
祝小歌仔事事順利,旅途愉快~
ps:好多謝人家呢幾日O係屋企上網收集同分析資料,好讓我省回不少時間同精神.

補求婚@李白吧(後記)

尋日朝十一點起身,用牙籤將介指糖包裝"吉"穿,放咁啲氣,再用膠紙封番個窿,放入扭蛋內(原本既包裝太脹,放唔入隻扭蛋內),並進行扭蛋機終極測試.

本來諗住出去市區睇戲,但上網check過好晏至有得上,會搞到好夜至食晚飯,直接影響飯後既行動,於是打俾台灣女生話改為區內活動日,約兩點四係新墟巴倫紐荷睇<一公升眼淚>.臨出門前將扭蛋機入同紙袋,並將相機,裝住十二個一蚊鋃既扭蛋及"重要物品"放入拉鏈袋,方便陣間晚飯前黎攞.

meme momo,飛的都成兩點至到戲院買飛.自己係戲院隔離既老麥買咗個餐兼双層芝士漢堡,找錢時仲叫哥哥仔找晒啲一蚊銀俾我(九個),加埋的士找錢果一個,仲爭三個至夠廿五個(12+1+9=22).

食住等人家黎老麥搵我,好趕咁就食埋啲野就入場睇戲.由於係閒日兼晏晝,無咩人睇(全場五個人:渣stick既老伯,一對女仔,我同人家).電影版比較真實,起碼女角無話靚都明星咁,同埋係素顏出鏡.眼淺既人家當然睇到喊啦,我就見女主角身患悪疾,都係積極面對同向身邊既人講對唔住時,心都酸酸地...

睇完戲,係市中心行咗個圈,係idc買咗份野,趁人家行轉背,又係找錢時同姐姐講要三個一蚊銀,咁就成功湊夠廿五個啦.
跟住我同人家講話我要去泥圍等教練攞野俾我,叫人家先入元朗田中排隊,於是一齊搭輕鐵到兆康,人家轉西鐵,我就轉另一架輕鐵.

一到站就半跑半走咁返屋企,一入屋就將個拉鏈袋放入背囊,同揪住個紙袋出門.跑去茶餐廳路截的士入天水圍銀座,將個扭蛋機放係花店先(係兆康站時已打去問可否代看管道具),仲係花店見束花都包得幾靚.

好趕咁衝出去的士站飛的去元朗廣場,期間人家打黎三次問叫啲咩食同要幾耐至到,因開始多人入座,唯有話六點十至到.撞正塞車時間,於是係家計會落車,奔走到田中會女友(身水身汗),好彩都趕得切入座,唔洗等下一round.

我地都係如常咁叫刺身,同天婦羅,只係多叫一客鮮蠔煲,但有啲韌...意猶未盡,去咗附近間小食檔一人一隻沙嗲烤雞翼.食飽飽,諗住去輕鐵站之際,見有小巴入天水圍,於是上咗車.
係銀座落車,好快就到李白吧.坐係相熟既吧枱位,叫咗一round(sex on the beach, pina colada),當然由friend底既emma調校啦~

約七點九,我就話想出去打一打電話(扮問emily相機事宜),跟住就去對面商場既花店攞花同扭蛋機.熟悉場地既我,兜過人家既耳目,係好近既距離遞上鮮花,話年幾有花收,再叫人家合埋對眼,係吧枱砌番部扭蛋機.

人家見到當然開心,我話有鮮花,有酒,有場地,叫人家估欠啲咩.人家"裝"到扭蛋機同意會到是晚既主題.我拎出裝住廿五個一蚊銀既扭蛋出黎俾人家入錢扭機,人家好開心咁扭出介指糖(9隻),汽水拉環(6隻),紙摺介指(6隻)以及假銀介指(5隻).人家扭出假銀介指時以為係大獎,其實廿五個capsule都唔係堅既.最後我先係袋度攞出介指(當然叫人家合埋雙眼先啦),人家當然開心同感動啦~

閒日兼未夠九點,吧內唔太多人,我地邊吧枱無其他人,只係對面吧枱有一pair人,其他客都係外圍坐同打pool. 扭蛋期間,我用相機影相同拍短片,當我以介指求婚時就俾人家影番轉頭....
幫人家戴介指時,emma播事前準備既碟,以"dont wanna miss a thing"打底. 好可惜都係鬆咗少少,中指就啱啱好,事前試人家隻介指既功夫都係唔夠添..

係李白吧飲住野,食薯片黎傾點樣籌備同採購,回顧吓之前發生既事又講吓婚宴事宜.臨尾emma校咗杯story俾我飲,話係半島都有得飲,好易入口但度數幾高吓,人家飲多幾口都覺"勁".

李白吧係我畢業後,感情失意時開始留漣既地方,係教練帶我黎既.同emma地識咗幾年,而家得番emma仲係度做.呢度好似陪住我渡過好幾個時期既我,失意,賣醉,讀part time degree, 同教練磨練酒量,公園鬧事,兄弟聚會,結識同事朋友....至到最近期既通宵同台灣女生睇世界杯,喊過又笑過,所以我想係呢個人生重要既時刻,都係呢度經歷(又想emma呢位老朋友作見證)~

我地飲咗六杯drink(阿魯凡:sex on the beach, black russian, kirl royal, story, 台灣女生:pina colada, blue xxx),約十一點半至離開,搭的士送人家番屋企.當晚係盡興同特別既晚上,仲係週月既日子添~

ps:人家好聰明咁估到廿五個capsule既意思添~
特別鳴謝:
emma既款待,花店介紹
ronnie代買入介指糖
小星星既汽水拉環建議
skywave 250 ss事前籌備既奔波

小歌仔歡送飯局

朝早番完個早更,就同小星星去市中心食飯兼去買禮物同場場佈置用料.我騎羊去,小星星就搭輕鐵.
我地係惠比壽食過晏晝,就走咗去中原買相機(pentax),再去吉之島既文具部同十蚊場,但見造價太貴,所以無買.身為地膽既我帶住小星星去華都既文具店買佈置裝飾物料,果然係平好多,慳番唔少~~

買完晒野就同小星星分道揚鑣,佢番屋企,我就騎羊去元朗會台灣女生.人家約咗四點四覆診中醫,我係診所樓下泊好隻愛羊,見樓下有部汽水機,"o都"咗$5.5一罐既可樂,一邊飲,一邊搭lift.

出lift經過藥房同登記相處,見人家一個人坐係候診區.由於之前無通知人家我幾點買完野同過黎,所以人家都有啲驚喜,仲好開心咁攞埋我罐可樂黎飲添~

原來係候診區窗口望落去係望到愛羊,幾好,可以睇吓有無人蝦佢~人家入房見中醫師時,我就一時打吓nds孖室賽車,一時望吓愛羊.等人家完醫生同攞埋藥就騎羊送人家入村係我屋企坐陣至再出去市中心客家好棧.

由於太多人幫襯同姐姐唔識做,攞枱時間要押後到九點(當時七點半).搞到我同人家,小星星,哥頓要係包廳門外既空枱搞佈置(吹汽球,畫banner).後來愈黎愈多同事黎到(包括主人翁小歌仔),我出去counter同姐姐交涉,係咁啤住佢,望錶,成個背脊"艾"住叫飛位,好似爛仔搞事咁款(著住電單車褸,搞人地櫃台啲野),但都要九點多啲至入席.

入到場,大家忙住貼氣球,裝飾同banner,影陣相,跟住就分番兩枱坐定定食飯.當係送禮物時至知原來買多咗份,變咗多咗部pentax,大家一時誤會添..好在emily話佢同中原個哥哥仔熟,所以應該可以轉買其他野(另一部心水儍瓜機)最後小歌仔係收咗部cannon儍瓜機作錢行禮物~~

臨尾大合照就當然唔少得啦~謹祝小歌仔一舤風順,旅途愉快~all the best
ps:出年十一月留定個位俾你~

補鐘早走-騎羊奔波為求婚

基於時間緊迫,後日就係行動日子,今日台灣女生又返夜,所以冒險補鐘,六點正就走人~人家當然唔知情,仲以為我係九點幾至放工o家~

返晏早段時間,從過emma既sms得知李白吧附近有花店,仲話最多當晚幫我收住貨先都得.於是放工第一站就係騎羊入去水圍既銀座.好在之前都有兜過去幾次,今次都好順利咁去到目的地.
個花檔都幾入吓,只係商場地下內既一個車檔仔咁,睇過本catalog(其實只係一本相簿),決定係紅玫瑰兩打,俾全數,後晚八點前攞貨.阿姐話包裝等啲後生女搞(好明顯佢唔係老細同話得事),包之前話我知係咩色包裝紙.當我行到去愛羊邊時,花店阿姐打黎話啲後生女提議用粉紅色花紙,會搞到好浪漫,我聽完之後一頭霧水兼想笑,唯有話"哦,好啦".

騎上羊仔向市中心進發,目標係道具用料既搜羅.首先去老麥食個餐先,因已經七點幾,好肚餓....之後去吉之島既十蚊店同文具部逛吓,買咗包手工摺紙(因要銀同金色紙黎做介紙),同順便買埋包大圍聖誕禮物既花紙.

最後去百佳搵吓啲平價非環保拉環既罐飲品,望"雲"晒都係碧泉最平,$15有6罐~

跟住就騎羊入村,特意兜去村口垃圾房開碧泉黎收集拉環,檸檬茶就倒晒入垃圾箱,雖然有啲嘥,但無法子啦,最後我都留番last一罐番屋企飲.

番到屋企就清洗吓啲拉環,同摷番摺紙書黎睇番點摺介指.摺完之後,又著手裝飾吓部扭蛋機(用新printer黎印相,搞吓剪貼....)
今日都做咗幾多野吓,解決同準備咗好幾樣行動日既事宜,好在今日call緊都有得補鐘,如果唔係都知點算,怪就怪自己懶同預得太少時間搞.

ps:唔該emma話我知花店所在同評價~~

出岔子

今日交更時,接過ronnie代買既介指糖,好心急咁,唔食飯住,騎羊入村試吓入唔入得落隻扭蛋.番到屋企至知,原來原機送個幾隻扭蛋係靠膠紙貼住(一路都大安指意無拆過隻蛋),本身係合唔實...而後備扭蛋(買扭蛋機既鋪頭幫我留既)又唔夠大,試過拆咗包裝袋後既介指糖至入到隻扭蛋...

騎羊去置樂食過單身漢餐,係相熟既商場買咗5 隻假銀介指,再好心急咁係皓皓店買咗6隻有餡既扭蛋($5隻),因為佢同後備扭蛋既size最接近,兼且老細又話無蛋殼多.行過"鷹揚"時,見門口有大大部扭蛋機,裡面既扭蛋又好似係我後備個隻,於是入去問有無得賣.點知老細問我要幾多,我話廿隻後,老細攞咗出黎俾我睇,原來同後備蛋一模一樣埋單都係兩蚊咋..............

滿載而歸,騎羊返入村,好攰,沖個涼就訓咗個零鐘至起身,騎羊去接台灣女生放工.

由於記錯人家係六點放工,所以早到咗半個鐘到.騎羊去人家屋企.食過伯母煮既晚飯,上網睇咗陣結婚網頁就騎羊返入村lu
ps:仲有咁多個capsule剩,入啲咩好呢,介指糖又點搞好呢?時間好緊逼喔..

ex的近況

今日返緊晏時,猛將打我手提問我之前隻羊係邊度放,我R晒頭咁答佢係安定.跟住猛將又問我個車牌係咩,原來係佢係建生大拇指附近見到我之前隻羊.

猛將因為聽到響喉聲,就望吓隻羊,見係我之前個款兼同頻色,車牌又好熟口熟面,又係有原廠後座椅背,於是打黎求證吓.真係估唔到係大角咀放賣,輾轉又番返黎屯門區.猛將話好疑惑,見男司機係又係好似我咁著住電單車褸,但後坐女乘客好MK feel.佢話阿嫂又唔係咁既style丫,當見男司機除頭盔時先知係金毛仔黎.

我叫猛將幫我望吓隻羊keep成點,猛將話都幾企理.可能係車主都鍚車,一係就啱啱至完成買賣交收.不過點都好,希望burgman150可以搵個珍惜同夾佢既主人,繼續追風既體驗.

ps:呢張相係我04年十月係鹿頸影既~~(好在前排執過啲電腦相,如果唔係真係搵唔番呢張相)

去睇戲,添printer,打邊爐

今日番完夜班,照原定計劃同台灣女生一齊去凱都睇"沖出水世界".我係市中心既鴻福堂買咗人家鍾意食既茶葉蛋,再係戲院附近既七仔買切片司華力腸(其實係七仔阿姐話成條腸放落個袋都有啲核突,誠意拳拳咁將兩條腸切片,其實我話係佢心邪)加支綠茶就入場睇戲~~

齣戲都ok la,起碼都可以令我暫時忘却煩擾既心事.人家見到戲中搞笑位,特務片"TOMORROW DIE AGAIN"就諗起我之前個blog既title.我就最鐘意臨尾一個大浪冚埋去個吓,好似deep impact, the day after tomorrow咁,哈哈,仲要有隻老鼠一心諗住有得玩滑浪,點知一場空~

睇完戲,行咗去置樂行個轉,無咩斬穫,行番去市中心買printer,間間都係公價,唯獨係新開既電腦廊平廿蚊,仲有相紙,hp有線滑鼠送,兼且有九五折買墨優惠劵.

搭小巴入村時撞到人家既男同事, 睇黎佢係第一次搭呢條線,因佢攞八逹通出黎俾錢.呢條線出名係老土無八達通系統,我地仗義攞出散銀出黎解圍.

番到屋企入房搬開晒啲野,安裝新printer,係客廳食咗一兩口餸,就繼續set個printer,試過無問題.其實我對電腦無咩耐性,望兩望個安裝說明書就亂黎,跳晒steps,好在細心既人家提醒我,唔係都唔知點攪,錯晒......

搞到近九點至搭輕鐵去大戶人家打邊爐,嘩,今次我地叫咗象拔蚌($18蚊六隻,抵),幾好食~

食完野都成十一點,飲咗兩支多少少細啤酒(青島純生),面紅紅咁同人家行番屋企.係酒意之下,相信今晚都可以訓得好啲~

PS: 晏晝訓醒,收拾好心情至同人家講昨日既事,果然令人無咁擔心.

能力問題,失信同事,麻煩大家?

今朝早有同事SL,於是我要由睇細TEAM變咗大TEAM.星期六都係忙,因為其他配合既部門同職員得半晝時間做野.

放工騎羊去台灣女生樓下,同人家一齊係翠華食過晏晝,我就騎羊返去村沖個涼就為夜更而訓覺叉電.

夜晩係屋企食過飯,就騎羊出去新墟買蛇羮做宵夜,好趕咁又去返工.

交更時p更同事話我個team有個case有問題,話好大鑊....
當時我都呆一呆,諗番今朝我做咗啲咩,同發生咗啲咩事,自己既做事方去係咪錯咗...始終失信於朋友,麻煩到同事我最唔想,又諗係咪真係自己能力上有問題,唔太配合得到呢個工作環境.
反省咗自己有咩做得唔好,先至諗其他人既要求同指責係咪合理,係我一向既態度.

番工頭個個幾鐘都做唔到野(心情太差),我同ic講話想洗個臉同入pantry坐吓,ic話ok,clara都叫我抖吓先.坐低組織過件事,覺得而家都無咩可以做,亦無謂太多猜測,咪一片心等星期一,話事人既澄清同老細既聖裁.

ps:辛苦了體恤既夜更同事

心癮

每次愛羊清洗完,打完腊,又好天的話,都會好想同佢影吓相. 之前個隻羊仔都無咩點影相,搞到而家想睇番都唔得,話晒都跟咗我三年丫.

當年我前羊身患惡疾,屢治不癒,最後要忍痛賣出.呢隻羊係係台灣女生支持下出既,仲帶我地去過唔少地方.羊仔同人一樣,都要趁青春留倩影.影多啲相黎勾起淡走既珍貴片段,細味自己既故事.

講時講,06年新款都無呢款05年既外型正.本身佢係無風擋,一塊外殼連接住頭燈罩同錶板.但係我既要求下,改成長風擋(歐洲版burgman),少咗份辣味,多咗份斯文,搞到人地第一眼睇落去會分唔清係日版定係歐洲版.

希望之後可以騎羊去多啲地方黎影相,一齊經歷多啲~~