點知搞到中途,覺得個頭好痛,個胃又好辛苦,"那住"咁.好唔掂,有好幾吓個人想暈低咁,好想嘔又嘔唔出.草草了事咁收檔,諗住抖吓無事,點知訓係張床度都係辛苦到訓唔著,個胃"那"到實,係厠所嘔咗兩三口,於是同台灣女生講,唔舒服,出唔到去同人家及伯母食飯做節....探熱37.5
係張床愈訓愈唔舒服,約七點幾,衝入厠所,係咁嘔,脈衝式嘔吐,嘔到無野食嘔就嘔啲水出黎.洗完個口,入房探熱,嘩,38.3~
愈訓就愈凍,手腳發冷,要老豆幫我加多張被,同要杯暖水,雖然心知飲唔落,但都呷咗一口....老豆見我咁既樣,問洗唔洗同我去睇急症,我話唔洗啦,因我真係怕俾a&e"的"上ward.....
打住冷震咁打俾人家,叫人家代買panadol,因家中無貨,再迷迷糊糊咁訓,人家幾點黎到我都唔知.人家帶埋暖水袋黎俾我,仲有特強panadol,感冒藥,提子麵包,一個裝住暖水既保溫杯.人家仲用濕毛巾敷額頭,本來諗住訓到十一點就去睇夜診,但由於個人太攰,無力落床,同埋有退少少燒38.1,所以決定聽朝至去睇醫生.人家要一個人搭的士番屋企,好在都平安歸家.
好辛苦,好辛苦,想唔認老都唔得了.....上次發燒又發冷都係中學時期..
ps:多謝未婚妻既照顧~
