老豆,生日快樂~

朝早番工時,趁未太忙時,send咗個短訊俾老豆,無幾耐佢就打黎講咗幾句添(大家都係番工時間傾電話).係電話裡聽得出佢老人家都開心係今日收到個sms.未能同你食餐飯,實在對唔住,希望你知道我已為你準備好,只欠你肯多行一步.你不是孤獨的,由細到大,你都係我尊敬既爸爸.

放工同人家係秋田食過晏,就係吉之島買魚生.再騎羊去新墟既樓上燕窩莊買特價帶子.當人家同主婦們揀緊貨時,無意中俾我發現有鱷魚鞕賣,一盒兩舊幾水(有兩條)真係無諗過有啲咁既野賣~

訓咗兩個鐘多啲,就起身梳洗,兼享用人家準備既日式晚餐,真係辛苦晒.番夜前可以安在家中食飯,係最舒服既.