合理vs理想

今日番晏,個場正到爆,27友.我覺得開心唔單單係因為工作量少咗,而係可以花多啲時間落啲客仔上(無理者除外).足夠既人手,對客仔同自己既保障都多啲嘛~

係呢個行頭,無咩客觀標準黎反映工作表現特出.應該話係,攞得個牌,就當你係若干特別程序勝任同唔會出錯.行內無咩等定既公認持續進修課程,大家都只係報吓啲有興趣或hot topic,頂多讀個master係較有威信既學歷.

始終呢個field係將人地既野炒埋一碟,咩都識啲咁,但決策權唔高,有時仲有啲似係做個中介人咁既角色,所以我本人都幾接受para-professional呢個詞彙.

以前有諗過想做一個硏究生,可以致力去創造或改變一啲事物,就算唔係自己一手做,至少係有份去參予同付出,但好可能工作性質同而家既工種差唔多(唯命是從).不過一個個既project,好似感覺會好啲既,起碼無咁重覆嘛.

有諗過會再讀多少少書,但絕對唔會再係向上,而係橫向,增加自己係呢個社會上既生還率.講到底我都會做好呢份工,糊口其一,其次係因為有我需要守護既人~