又一生物訪客

繼青蛙家訪後,今晚台灣女生又係浴室發現蝸牛先生~相熟既尖叫聲,入到浴室至醒起,其實尋晚飲完酒,返黎屋企沖涼時見過佢.

七分酒醉,極度眼訓,無戴眼鏡,花洒沖涼.見到牆上有一個啡色既物體,好似樹葉咁.用花灑沖佢落黎,踎底望,都係睇唔真係咩黎.沖完涼,刷埋牙,就爬上床訓,再無深究樹葉既問題

身為生物組既門生,當然要同蝸牛先生近距離接觸吓啦.一手帶住薄身保鮮袋,溫柔地捉住蝸牛先生既殼,另一隻手翻轉保鮮袋,再以雙手打結.蝸牛先生咁就被封印住係"保鮮結界"裡~

用花灑沖走蝸牛先生係沖涼格地上留下既黃色體液,再將結界連同厨房垃圾一併拎出去屋外,掉去大眾垃圾箱裡.

唔知係咪間屋太舒服,連青蛙先生同蝸牛先都要黎家訪同投宿?