訓晏咗,係屋企炸咗啲雞寶同炒埋雪櫃啲菜黎做早餐+晏晝+下午茶.食完就係客廳睇租番黎既"星級大改造",雖然係一般的,但消磨吓時間都ok.
跟住我地騎羊去咗元朗食飯,係街度撞到子健~係小金井食飯,因為之前去食盆菜時經過望到$49半打生蠔.我地當然有叫生蠔啦,再叫咗三文魚,劍魚腩,鯨魚刺身.無諗過佢會用隻船鋪住冰沙黎上生蠔同刺身,感動~人家仲話鯨龍魚成為佢魚生中既新寵,貪佢夠爽~生蠔都幾鮮味,正!可惜當想叫多半打時,姐仔話之後要以正價$88半打黎落order,所以無再要多半打.我地諗如果我地食完出門口,再入黎食又得唔得呢?再唔係話我地係搭枱分番兩張單又得唔得呢?
我地又叫咗客一口和肉,特價都要$88,不過又真係幾好食既~見唔係好飽,於是埋單再去食燒雞翼,炸大腸同燒魷魚鬚,加埋包檸檬茶,啱啱好~
騎羊番屋企,係客廳同人家打ps2高達game,拍住上對電腦.人家用最愛既神盾高達,我就用buster高達,係其中一版con咗好多次過唔到.我走開咗同阿潘講電話時,人家一個人拍電腦打.當我講完電話出客廳時,見敵人大佬跪低咗,係咁爆,人家既神盾高達以MA模式飛過,仲播晒歌仔咁,好似睇戲咁睇,咁就過咗關.睇番統計人家都打冧咗好幾架敵機,兼且過關ranking都唔低添,唔過人家好係gundam
seed既主角咁係"協調人"?(反射神經,體能都高於常人)
打爆機之後,同人家一齊睇之前買落既"忘了,忘不了"dvd.上次因為太眼訓而睇少少就無睇,今次睇晒全套,故事都幾好,人家仲睇到喊添~
