朝早九點幾起身,同台灣女生一齊落去食早餐,好趕咁點幾就食完,再番上房訓.諗住訓多個鐘就起身梳洗,執埋啲野落lobby等人地接我地去crystal
chapel行禮.點知自己好緊張,點都係訓唔番著......
十一點多啲鬧鐘晌起,我同人家都忙於最後梳洗,執好介指,婚紗禮服,鞋子,帶埋con,我個頭就要噴埋spray.落到lobby,有個日藉哥仔(world bridal)接我地上車,半個鐘唔洗就到nikko酒店隔離既crystal chapel.
落車放低啲衫服鞋同介指,就同人家一齊入化妝房,人家坐定定,化妝師就好熟手咁幫人家上妝同set頭.係reception坐個陣時,人家已經係職員提供既髮型雜誌(日文)"簡"好咗一款,職員同我(少有地)都有俾意見o架.
跟住我地去換衫房時,見到禮服同婚紗已經熨好咗.幫人家換衫既係一位叫yoka既日籍媽媽級職員,佢好好人從英文對話中得佢好鍾意jackie chan,以前後生仲join埋fans club,仲親身見過成龍大哥兩次.佢又讚人家對涼鞋靚,人家都唔知幾得"戚".yoka問我地有無帶相機黎,話可以幫我地係教堂同沙灘影.香港既agent又話唔帶得相機去影,搞到我今朝都無帶去,可惡~
坐多陣,牧師就入黎同我地打招呼,傾吓計同睇佢張相,得知佢有三個仔女,仲啱啱抱第二個孫添.勉勵吓我地一對新人要開始組織一個家庭,努力咁維繫(咁上吓啦),結婚後都要做番拍拖時既約會同活動,時刻都好似新婚蜜月咁~跟住佢就講解一次陣間係教堂我地要做啲咩,同點走位,mug唔係應該係chapel裡採排一次o架咩,點解會係virtual training??
近三點鐘,我同人家就行過去隔離既crystal chapel.係起步點企定定,聽姐仔獻唱,人家開始眼濕.跟住播音樂行入教堂時,好緊張,好怕會踩親人家條裙,於是個人行得怪怪地,左右擺,加上平時自己又好少行得咁慢呢.....
行到牧師面前,一齊再聽singer獻唱(yoka上前替我地整理禮服同婚紗,仲遞上手巾俾人家抺眼淚),牧師講一段說話,跟住有另一個音樂人奏琴.講完"I do",亙相戴上介指兼講出指定對白,掀起頭紗,鍚埋新娘,點埋candle,禮成.
行出去chapel時,三四個職員係門外等我地行出黎時散花瓣,感覺唔錯丫~同牧師握完手,影埋張相,我同人家就繼續影相.其實婚禮開始時巳經有人幫我地一路影相,同拍video.之後係chapel外同入番去chapel裡影埋其他硬照.
答案就係當新人行入去教堂時,要經過一條兩邊俾池水包圍住既路.教堂後就係大海景,感覺就好似係行出去海中心既一間教堂去行禮咁,對好多女仔黎講係一件浪漫既事~
ps:除咗行得唔好睇,係教堂緊張到有啲少動作,好似口乾,係咁吞口水,舐脷以及帶con眼乾,係咁眨眼....如果有得實地綵排一次就好咯...
