買埋兩排益力多,跟住就去百佳逛.人家簡咗盒長柄士多啤梨,我就買多舊牛肉批,再買咗青通菜黎炒腐乳通菜.同人家行埋去吉之島超級市場,買咗盒天婦羅炸蝦,但又搵唔到用黎"添"既醬油,即係又係得一味餸....
谷鬼氣,走去新墟街市買蟶子黎炒,再係燒味檔買咗份燒乳豬(廿幾蚊)做第三味餸.原來諗煮咩餸都好惱人,我同人家由踏足市中心起計,騰咗成三個鐘至買齊餸.最失策係臨上的士番屋企前,唔記得買番隻不锈鋼鑊黎炒蟶子........結果用個湯煲黎炒,效果麻麻地.蟶子係咁出水,落咗沙嗲醬都係溝稀晒,但都有鮮味同唔韌.伯母話要用滾水"六一六"啲蟶子出水,再落鑊炒,效果會好啲.
煮得咁辛苦,當然有飲番罐Tetley's黎慰勞吓自己啦~
ps:今日人家幫手落醬炒餸時又出事啦~
