equip!!

今晚約咗崇真書友19:30係市中心pizza hut食飯,六人出席,因wing fung要同屋企人食飯,早搞父親節.

搭小巴,我七點就到市中心,因為要去高登拆鏡片,帶個框去影婚紗相.今日唔知點解咁鬼多人,我要等成兩個字至有人幫我.
估唔到原來最早到個位係我,pizza hut門多好多人,好似行年宵咁,姐仔好無情咁話要等130張飛.打俾楝哥,講出呢個惡耗,都未收線,已經見到楝哥係人海中鑽出黎~

事態嚴重,楝哥立即走去隔離既元綠攞多張飛,但都要等60位...橫掂都係等,我提意不如去埋扒王之王攞飛,反正都係pizza hut 隔離.出奇地,唔扒既扒王之王姐姐話有位,可以入座,我地當然欣然接受,兼打電話叫眾兄弟行多兩步黎搵我地啦.

崇真書友(7子)都好耐無聚吓,上一次都係年頭冬天係稻香打邊爐.OSCAR,fire佬,教練,溫志偉,楝哥既祝賀,比起自己混沌既家庭,溫暖得多.大家又傾又講,炒媽拆蟹咁,很爽.位位$80,九點多啲就散,楝哥去做gym,其他人就各自歸家.我就去買多些少野就搭輕鐵番屋企,中途上公司攞多副士啤眼鏡,同大隻貞同玲玲傾咗陣,又同大頭文講咗兩句,見琪芝係41邊忙緊.

番到屋企試套禮服俾伯母睇,始終我膚色較深,都係白色啱我心水啲,你睇幾斯文(千祈唔好加"敗類"係後面)~

自古英雄配美人,今有赣男襯儍女~唔記得校室內mode,好似唔係好夠光咁,番黎香港再影多次先.

辛苦晒台灣女生今日係屋企執野同之前計劃行程,我始終都係無咩耐性兼無所謂..

特別鳴謝:伯母幫我地攞野兼督促人家

                 德輝幫我看守住小羊

                 各方好友既祝福