我同台灣女生六點多啲就到機楊,因為我地係市中心趕得切上E33.人家拎住個喼黎行巴士同站之間既窄位時仲差啲差錯腳添...
係airline櫃檯等咗半個幾鐘,寄存埋兩個喼,攞埋boarding pass.唔知點解global
wedding幫我地揀咗行廊位,仲要係分開坐,好在人家問吓,後黎改番做窗口孖位.跟住就應人家既提議,去2號客運大樓行吓兼幫襯"天下餃子".
翔天廊都好似無咩特別野好行,係見到板前大把位,唔洗等.另外仲有間賣龍鬚糖既專店,試食過又真係好好食,真係一條條好似絲咁幼,但又真係幾貴,$118有9粒,個盒都幾得體架~
之前係屯門西鐵站七仔見到既電單車年鑑,搵均好多既七仔都搵唔番,但係機場既書店就搵得番,一如人家既預言"機楊係最後既防線".咁想買呢本書係想用黎送俾德輝做生日禮物嘛,二黎自己都想要本~
兩個餐加埋七十幾蚊,都算飽肚~由於我地買咗好多雜誌(電單車年鑑x2,本地雜誌x2,附有日本水著別册既HIM
X1),個袋變得好重,要用行李車黎幫輕吓.
21:45左右,我地就坐定定等上機,發個短信俾老豆,就上機lu.架機只係一架內陸機咁細,咁啱隔離坐著個大男人,搞到我好唔舒服...
飛機餐真係幾的識吓,只係一個芝士火腿包加生果同牛油曲奇,話晒去美國屬土,餐飲當然係簡classic既可口可樂啦~
坐我地後面係一對六十幾歲既夫婦,女既主動叫我地幫佢填入境form,唔知點解佢老公唔幫手填呢??
從passport得知佢地都去過幾多地方,好似係澳洲,俄羅斯同美國..咁既退休生活真係令人嚮往喔~~~~
食完野,人家就開始入睡,我就點到訓唔到,隔離個大男人坐到"雅"開晒,成日都俾佢張氈fing到,俾佢隻腳high到...電視又無得簡台,大家一齊睇阿公電視,唔睇就只有聽歌,真係好無癮,四個幾鐘兼夜機,都係第一次搭,感覺係"攞命".......
