5th頭盔

今日番完早更就好急咁同德輝,雞脾一齊飛的士去新墟既利源茶餐廳食晏,因為要趕住四點前出到太子花墟訂呢款SHOEI既電單車頭盔~~

之前買台灣女生個頭盔時,店員建議我等到一月頭睇吓有無08年新拉花至決定訂邊款頭盔,但早前上網都唔見有新既open face拉花,所以維持原案,揀紅色既polaris店員會以電話通知我,大約三月尾就會有貨到.

記得我第一個頭盔係係台灣買既"海鳥牌",幾舊水貨,只係用黎學車用.攞牌後買既係nolan,之係再換OGK,繼而轉用YAMAHA Y'S GEAR.品質真係好重要,一分錢一錢貨,真係無得你慳,買得平就會快爛啲(外殼爆裂).雖然係掛彩時,唔可以單靠頭盔黎100%保護個頭,但耐用同堅固啲,點都好啲,有時就係爭個少少架咋.

店員話呢個品牌既頭盔質料好,可以用上3至5年,我用緊個款都係兩年就出事(風鏡關節位破裂).如果當新訂既呢款係三年既話,價錢都合理既,總好過年年都換個雞頭盔丫~~~

ps:不經不覺由學車到而家已經有5年多,雖然唔太叻(渣自動波),但總叫做安全駕駛.可以既話,希望可以直至身體跟不上為止.