瑞士芝士火煱

今晚同台灣女生出開尖沙咀攞啲野,跟住就即興去咗間瑞士餐廳食晚飯.八點幾入到去,未有枱坐住,因為我地無booking,所以就係bar枱度坐住黎等枱,不過橷都坐暖就己經有枱.

先上枱既係農夫芝士火煱配法國麵包同牛柳粒,今次都真係第一次食芝士火煱,因為之前都只係烤芝士片(lafuma都係).

可能係我地之前係太子食太多炒粟(一磅),食到半路己經好飽.由於今日係8號,所以我地一人一杯香檳雞尾酒黎慶祝吓. 之後我地再食埋個main course炒牛仔肉配薯餅,兩份share黎食.

坐我地隔離既一對男女,十分古怪,男既近四十,女既約近三十.成程飯講既野都好吹水,無咩交心野講,聽落好似係男既好嗒女既糖,但女既就好似唔太受."你好無聊丫~~","你個次去瑞士喎,啲溪水係咪好清呀?見底啊呵?","咦,對面間BAR仲係HALLOWEEN佈置既?","上次啲同事飲醉到嘔,好得驚喔","芝士火煱有落酒喎,你係咪有啲醉?開始亂o翕?洗唔洗送你番屋企?哈哈".............

咁大個人酒都唔飲滴?無內涵兼做作既談話實在令我不安.....係咪我太無情趣?好似係我地兩張枱既年齡對調咗咁,如果佢地係十六十八我都覺得無咩唔妥既.

呢間餐廳係就係選擇少啲,但以落黎飲野同食芝士火煱黎講,都係一個好地方~~

PS:人家話香港得兩間瑞士餐廳,另一間就係半島,而且呢間餐廳都係某雜誌推介既一百間餐廳之一.