北海道-沙漏函館

今日我地向函館進發,係火車上見到啲上班一族好一致咁除皮鞋,著係行李袋攞出黎既施鞋,睇書既睇書,聽歌既聽歌.台灣女生仲笑我,如果我係當地既上班一族,一定無人地咁有系統同企理.

落咗車,係火車站個locker放低行李.我地就去咗呢間食店用膳,平時市中心個間惠比壽就幫親得多,唔知呢間係唔係總舵呢?

函館出名既就係魷魚,生勾勾係個缸度游黎游去黎做招徠~

店內既陳設企埋,各樣食品都係圖文並茂.

呢碗就係我叫既魚生飯,有海膽添o架.

呢碗係人家既,有佢喜愛既帶子同三文魚子.

一場黎到無理由唔試吓魷魚o架,我地一落order,師傅就係水缸度攞咗一隻魷魚出黎,劏吓切吓,咁就上咗碟黎我地享用,啲鬚仲會郁o架.

食飽飯,去火車站附近既市電站等車,感覺有啲似搭輕鐵咁.

落咗車沿途都只係睇吓啲建築物同風景,無咩商店逛,所以都係四圍影吓相.

呢段路好斜,上既時候我有好幾次差啲扇低.....

新舊共存既景象,係香港好難見到喔.....

我地搭纜車上函館山 ,因為係市場攞咗cuopon,所以可以平少少買飛.等上纜車時,我地都係手信店買咗啲紀念品同手信.

係函館山 既觀景台,見到呢隻烏鴉,佢好似唔怕人又唔怕凍咁~

呢度可以俯瞰整個函館,好在無落雪,如果唔係就睇得無咁真.呢個時候已經有好多人係度set腳架幫人影夜景相,我地都有叫其中一檔既哥仔幫我地用我地部儍瓜機影張日景合照,慳番啲錢嘛..

去咗北海道 好好幾個地方,都係近五點鐘就開始天黑,咁啱有個當地日本遊客,當然請人地幫我地影張相啦.我地係山上既禮品店再買咗啲紀念品,人家仲買咗條刻咗我地名既頸鍊添.

入夜後既燈火,更加特顯咗函館沙漏既外形,紀念品店賣既post card都有呢一款架~搭市電番火車站攞番啲行李,就搭番市電去酒店.行去酒店條路比較遠,我地仲要問路至搵到.

晚飯我地係酒店房間裡享用,有,甜品,魚生,又有熟食,質同量都令我地好滿意~~

呢塊不知明既魚生配上醬油,真係好美味,印象比我地係香港食過既鯨龍魚更深刻.

第一次食和牛就係日本,真係感動.係爐面燒熟一陣就入口,正!食飽飽抖一陣就去咗酒店既禮品部買咗啲手信,再番上房浸溫泉水,因為我地間房既露台係有獨立私人池,幾時浸都得,望住無敵海景同少少函館夜景添.