朝早起身就出去酒店旁邊既幣舞橋,其實係酒店房都望到佢,不過要影就梗係要親自落去行吓啦~
今日都係第一次係日本用腳架影相,因為平時行既地方人多又大風大雪,唔係好適合用腳架影合照.
河面鋪住零碎既冰塊,望到盡頭好似係出海既港口咁~~
尋日我同人家就係呢間鋪頭睇中咗個用黎封信封既蠟條同蓋印,仲又出又入至買得成.事源係我地一心買個"C"字既蓋印,但老闆娘話無,因為日本人姓氏既拼音無C字頭.因為個蓋印係大階撩草,style好似L咁,真係好想買.當失望咁走出店鋪時,突然靈機一動想起YAMATO(大和)呢個日本姓氏,用"Y"字咪得囉,我同人家都係"Y"字尾嘛~~於是入番鋪頭問,老闆娘就摷咗個"Y"字既蓋章賣俾我地,往後去飲做人情就可以用得著lu
今日既重頭戲就係坐蒸氣火車-濕原號,除咗我地之外,仲有好多當地既日本人特登買飛黎坐.各人都用相機同呢架古董蒸氣火車影相留念,我地都搵一位日本人幫我地影番張~
嗚!嗚---!氣笛聲令大家回想到上一代既時光,月台既蒸氣令場面培添懷舊浪漫.
火車頭駕駛室既佈局,真係幾複雜,絶無電子標版同數據,保證100%古僕,我諗車長唔係而家至黎睇menu卦?
人家仲同火車工作人員一齊合照添,之前佢仲借咗頂帽俾我同人家影相,好好人~~
我地由第四卡既7C7D位,走到第二卡既精品部買記念品.
我地仲著上工作人員制服,影相留念.由於男女size各一,所以件suit唔太啱身,吊晒袖......
火車頭係中途站同車卡分離,進行煤炭補給.在場仲有消防車戒備,一心相影相既遊客都唔可以行得太近.其實沿途好多當地人係路軌旁邊set腳架黎捕捉濕原號既英姿.(C11-171蒸氣火車頭係1940年面世,1975年退役,1999年進行翻新工程,2000年正式再次投入服務,化身為"SL
冬之濕原號")
我地係總站川湯落車,係站內既COFFEE LOUNGE有當地人為濕原號既乘客,準備wellcome
drink(熱湯),當然其飲品同小食就要收費啦~黎到陌生既地方,一杯熱呼呼既飲品,倍感溫情.
係門口著住藍色褸既大叔好好人,主動走過黎用英文問我地想去邊,仲幫我地做翻譯,用自己手提打去酒店,話俾佢地知我地係車站等佢地開車黎接.原來呢個大叔都黎過香港旅行,仲要係住半島酒店,真係華麗
以溫泉做招徠既川湯,連火車站隔離都有個免費既浴足溫泉~~
係酒店放低行李後,我地行咗去附近一個公眾免費既浴足溫泉,我地仲見到有電視攝影人員經過,仲訪問正準備離開浴足溫泉既幾個學生哥~
之後我地再行吓附近既店鋪,但好多都係無開,而呢間鋪頭門口既冰雕,就吸引咗我地入去幫襯買手信.
公眾浴足溫泉係入夜後,會舉行冰霰會,睇落去都好似係燈飾配上溫泉水既蒸氣.雖然似霧中既燈飾,但又真係無咩人係度聚,兼唔見宣傳所講既"diamond
dust"........
番到酒店,我地係房裡安安靜靜咁食晚飯,都幾豐富o架,不過啲熟食都係冷食,只係個火煱仔係熱辣辣,暖笠笠,無法啦天氣凍嘛~
食完飯,係lobby等車接我地去摩周湖
觀星,全團得我地同另一對中年既夫婦.導遊一口日語咁過解地理,同埋會望到啲咩星座,我同人家就真係得個"聽"字....雖然唔知有咩星,但見到咁多星星,都好開心.人家仲話摩周湖
既夜景帶點神秘,我就話黑嗎嗎..係咁凍既地方,我地見到有人紮營過夜,營外仲有兩部單車,睇黎佢地係想等睇日出
,好佩服佢地既耐性----耐寒性.
,好佩服佢地既耐性----耐寒性.
番到酒店,我地去預約咗既露天風呂浸溫泉(大浴場要分開男女嘛).本來諗住係室內行過去好快就到,於是只係著住單薄既睡袍,無好似人家咁著埋件酒店既外套.點知條路都幾長吓,兼且要中途換拖鞋,增加我係-8度既環境下活動時間,凍到震.....
浸完溫泉,沖埋個涼,番入有暖氣既房飲啤酒同食和菓子,一樂也!!
