食完早餐,我地就坐酒店既車,去到上破冰船既碼頭.當我地一入到去個櫃枱,哥仔就一句"no ice
today,ok?"粉碎咗我地今日既第一個節目,黎網走都係為咗破冰船,點解會咁........上船前係岸邊都有幾塊薄冰........
雖然知道無冰,但人家仲笑得出.......真係樂觀得很.........
同船既遊客好多都係坐台灣旅行團,日本人就真係唔多見.
開船後,我就一直坐係座位,洽眼訓,人家就出去船艙外影相.
海面只係偶爾有幾塊薄冰,厚厚既冰川就只出現係腦海中........
俾人搵完笨仲會識得笑既女子,實屬難得,所以我都成日搵佢笨
搭巴士番酒店攞行李,搭成舊幾水的士去火車站(因為下一班巴士既時間趕唔切上火車).係火車站附近既食店開餐,其實尋日經過時已睇中咗呢道既天婦羅.當我地拉住喼入去時,店員好似有啲疑惑點解會有遊客會黎咁.個餐牌無英文對照又無相,應該唔係做開遊客生意.點菜時,人家就出去門口望標本黎對番個menu名,但店員又主動跟人家出去睇吓想點啲咩.
人家叫咗個炸蝦天婦羅烏冬,評價甚高,即使係浸係湯裡,天婦羅都無被浸散,味道依然香口.
我個碗係天婦羅飯,一睇就知係香脆啦.佢地既粉醬做得好好,比香港食到既較為厚身,而且炸得較金黃,而且外層唔會一咬就成塊脫離母體,係我食天婦羅以黎,最好食既一間!!
今次火車走廊無放行李既空間,所以我地要抬兩個喼上架,好攰,.仲要用紙巾抹乾融緊既冰,有啲狼狽,但都趕得切開車前搞掂~
唔講你唔知,對數字比較遲鈍既我係負責紀錄同結算每日既花費,睇吓有無用多到錢,我仲係釧路既超級市場買咗部計數機添~
我地上咗車就訓,訓訓吓架車停咗,個個都企晒起身,坐我地後邊既伯伯同我地講"change",我同人家都唔明.跟住佢走到我地既座位傍邊,用腳踏住條bar,用手將個seat位180度轉動.原來係架車要轉方向行,所以大家都將座位180度轉,以免坐倒頭車咁辛苦,呢位伯伯真係好人.
番到札幌己經係傍晚,我地行咗陣商場,晚飯就係"yellow curry"食呢度出名既湯咖哩.人家點咗呢個咖喱雞,辣度係3.5
而我點既就係咖哩海鮮,辣度係3,我就啱啱好應付得黎,人家就辛苦啲啦
.大家都好滿意呢餐,啲湯飲落口都唔會覺得味精同漧口,只係辣到想飲水降溫啫~
.大家都好滿意呢餐,啲湯飲落口都唔會覺得味精同漧口,只係辣到想飲水降溫啫~
番到酒店沖好涼,人家就開開心心咁嘆日本士多啤梨,價錢比係香港買平嘛,我就嘆royce既朱古力奶~係日本呢段時間,我地多咗一齊睇電視添
