本來約咗警察四點半到差館打指模,但我同台灣女生等到五點有多至可以入房.間interview room真係幾"簡約",得張枱同兩張橷,同埋牆上既犯人度高影相板.
枱上既文件就係我同人家既藝術作品,要十隻手指打指模,仲要打埋掌印,成對手都係油墨,要係厠所用"沙粉"(唔係人家以為既"生粉")黎洗甩啲油墨....感覺唔係咁好,好似調番轉我係犯人多啲,雖然知道唔會有破案既一日,但要面對呢啲程序同地方,真係不是味兒........
搭輕鐵去番市中心,行過idc見到有一系列以食物為主題既電話扣,攞黎分辨我同台灣女生既牌仔就最好不過.
眼見既款式有鮑魚,切片粟米,香肉,鱔條.....我就揀咗鮮蝦壽司,人家就揀咗煎餃子,難得係大家鐘意既食物,而且仲要得番last一隻賣
.
.
夜晚同人家係市中心美心MX等老豆放工一齊食飯,因為老媽公司聯歡,老豆無飯食.我地一人一份鐵板餐,有傾有講.今次係老豆第一次邊聽住"老爺",邊接過人家雙手奉上既熱水(因為快餐店無茶).如果今晚係酒樓食會好啲,但怕人多無位.......不過我諗老豆應該唔會太介意,兩個後生既開開心心咁同佢食餐飯,尊敬同關懷已比菜式及場地重要了......
ps:晚飯前同人家係百佳買零食時,人家笑我怕拎住啲零食黎同老豆食飯.
"買咁多零食,我驚俾老豆話...."人家覺得呢句說話顯得我好似小朋友~~~
