根據以往既經驗大約要等一個鐘左右,所以同幸男走去吉之島玩具部打發吓時間.幸男當然有睇最愛既THOMAS系列,"R"住PAT PAT黎睇玩具, 好似有似麻甩.....
火車玩具無咩新產品,無意中見到呢盒原價$299減至$99.9既汽車變身玩具,見幾得意兼可以變相有款車玩,於是問幸男有無興趣.
幸男見過都話"啱",於是排隊等俾錢,埋到櫃枱時,我就同職員講要埋櫥窗內既變形金剛BLITZ WING(唔知職員會否覺得一大一細黎買玩具好搞笑呢?).
其實之前上網見會出呢款玩具時已心動,早幾日行過玩具部時已發現有售,番屋企冷靜完都係好想買,話晒細個睇變形金剛時已好鍾意呢架三變既角色.兩父子都有新玩具,係酒樓裡各自都有攞自己個盒出黎睇.
飛機形態機頭係軟膠,比例上機翼較細,但原著都係咁,因為要顧及坦克車模式.
炮台轉盤可動,軸心位於前方,整體形態OK.
機械人個比例就做得最好,唔會手短腳短或過大既背包,亦都無出現空心單薄手腳既醜態.平時只係帶幸男去揀及買玩具,今日真係第一次係櫃枱一齊結帳~
