今日SLEEPING,訓醒就騎羊出市中心食小巴黎,係樓上明思買條巴斯光年既手巾俾幸男,再為旅行準備電子用品而去搭巴士出荃灣.先係相熟商場買入32GB既SD咭,因為用緊個張係8GB,怕唔夠5日4夜既行程,兼且影幸男失敗率高,要以量取勝.
一心買BUFFALO既藍芽MOUSE,但都係無一間舖頭賣...豹哥介紹既USB分流充電器就有得賣,不過顏色無咁靚.估唔到既係搵到間舖賣manfrotto相機袋,好在我在帶相機出去(心急試SD咭兼用與否),試過啱我部NEX-3細機,應該可以放埋多支鏡同舊電添,方便放入背囊($170都尚可接受,話晒係大牌子嘛)~
臨搭巴士前行埋千色店,係玩具部揀咗個火車飛蓋章俾幸男,再係家品部買咗洗衣機滾桶清潔劑.番到入屯門就去番大眾書局買BUFFALO既一出二電話充電器(尿袋),以便去旅行時為電話補給(怕走散嘛).其實係區內及荃灣都見唔少外置叉電都比BUFFAO平,但對於信心同產品外觀,都係揀番BUFFALO.
好耐都無試過一日內買咁多嘢,最重要係啱心水,物有所值既感覺永遠係開心既~
