屯宿兄弟聚會

今晚我同台灣女生係屋企睇租番黎既"踎低噴飯"dvd,叫pizza hut外賣,但好可惜三重芝士批要有滙豐咭至有得食(種族歧視??),唯有叫個至尊批餐.

食飽飽,睇完隻dvd,就動身出去巴士站等上阿潘既順風車入元朗飲野聚吓~返p既阿潘,先去碼頭接強少,阿禮,再係市中心接percy,最後至係下路湊埋我上車~

我地去咗博愛醫院隔離既泰屋飲野,原來佢同傳說中既新港酒店真係正隔離.我地叫咗個3L既singha泰啤,串燒一打,每人都係60,又幾扺喎

由於間野十一點半last order,所以唔係坐咗好耐,不過佢地都無趕客既,只係熄燈熄音樂啫.好耐都無出黎聚吓,對上個次都係一月華b屋企個次.坐底傾吓飲吓,講吓近來忙啲咩,有咩搞鬼事情.

大家各有各忙,希望搵日可以搞個飯局啦~~