外行人煮飯煮到刮花隻鑊

今朝番完夜班,同台灣女生一齊騎羊番屋企,食過早餐,梳洗完, 一訓就訓到近四點.

上陣網,約五點鐘騎羊出市中心吉之島超市買啲野番黎煮飯食,好讓人家可以安安落落食飽就番夜班(dub night).

六點多啲番到屋企,洗落米,就開始煮餸.由於之前試過醃過啲無咩味既雞翼出黎,所以今晚都係買啲已調好味既餸黎煮.

搞到七點左右就開飯,賣相好似幾好咁,但其實啲蟶子唔太鮮味,可能係急凍既關係,下次都係去街市買.

海鮮真係幾難搞,煮得太耐又會韌,我太快上碟,反而有三分之一係未夠熟....雞脾肉串就無咩點出事,加埋黑椒黎炒,都ok喎,只係有一兩舊肉仔唔太熟.唯一係個蒜茸炒菜係無穿無爛~(可能係我住市中心時煮過既關係)

唔好以為都好似係幾好成績,好可惜我用咗隻易潔鑊黎炒蟶子,隻鑊刮花晒....

睇黎聽日要買過隻易潔鑊同銀色既生鐵鑊至得......料理既道路真係好崎嶇....

ps:希望人家同我今晚唔會肚痛啦