旅程最後一日,早上係酒店食早餐,雖然無溫泉旅館咁別緻,但總叫做西日混合,任君選擇.
行程只係去機場同係附近既商場行吓,所以大家可以訓晏少少兼慢慢食.
於機場車站放低行李入LOCKER,再搭倒頭車一個站去常滑,街道無咩人,食店名子反映出其歷史..
常滑出名燒陶瓷,其中以招財貓作代表,唔通因為日本人商店多用招財貓(銷量有保證)?
我地只係行一部份既陶瓷器散步道,主力係呢個斜坡同各種祝願貓陶瓷合照.幸男揀咗"大漁滿足",非常切合愛吃魚及同貓玩既特性.
台灣女生就揀咗"心願成就".
散步道不時有土管於路邊或斜坡,像要告訴大家常滑出名陶瓷燒.
呢個燒爐好似荒廢咗一段時間,但又仲未倒塌...似一個古蹟景點。
除了小型食店，尚有一些陶瓷店或工作室仍然營運中。
遊走於窄巷之間，當地人或遊客不多，可能中午時份車在太曬。
行咗一陣都係搵唔到旅遊書介紹既大招財貓,但我一望左手邊,白色橫楕圓上有兩個三角型既的板會唔會就係隻貓?繞過望落扁平既白板,真係貓頭同手.
午餐係AEON MALL內享用,原本想食一間即燒牛扒店,但幸男話唔想食,於是改去呢間日式料理.我點咗個和風牛肉定食,肚有點唔舒服.
兩母子分呢個冷烏冬定食,食完就係商場行咗陣,買咗啲特價童裝,我就去咗好多次厠所(拉肚子).
坐番免費shuttle bus番機場車站,攞番行李就去最後衝刺買手信,再check in同過安檢.由於廉航無包餐,我地上機前係松阪牛輕食店享用早輪晚餐(17:30).松阪牛肉定食售罄,幸男唯有食豚肉冷麵,而大人就食松阪牛Rice Burger.
最後叫多份羽手先黎食,味道唔錯丫,好過上次係食店外賣既好多.領隊話臨走前大家都可以享用多一次名古屋名物:松阪牛,羽手先.班機係18:45起飛,但記唔起18：15要到登機閘位,結果食完嘢無耐(我仲去咗洗手間)就聽到最後召集既廣播.一家三口跑去登機閘, 原來有唔少人都好似我地咁忟水,無咁醜怪.好在無去免稅店買酒,如果唔係一定上唔到機.
11日既行程好似好耐,但其實又唔係數到有幾多景點,可能因為名古屋景點都比較散落.唔駛番工,可以日日陪住幸男及太座去行街食嘢影相,當然開心(剔除幸男扭計的場合),畢竟平日一家人共相處既時間唔多(爸媽輪班工作).
唔知幸男會否深刻記著爸爸係酒店浴場浸浴時既說教呢?還有車上訓覺時媽媽溫柔既懷抱呢?
PS：幸男著住尋日係名古屋車站商場既百貨公司童裝部買既新鞋番香港，自九洲旅行起，每次都係日本買鞋。
