名古屋親子旅行Day 5

搭一程火車去伊勢市,參觀被受推崇既伊勢神宫.

神宮分為外宮(奉祀廣受衣食住等各個產業敬拜的豐受大御神)同內宮(祭拜女神天照坐皇大御神，日本天皇的祖先),我地先去參觀外宮.神聖莊嚴地,不可拍攝,入到去只見投幣祈福相處掛住一大塊白色簾幕,遊人看不穿背後內庭既景物.

除咗正宮,尚有數個別宮,一場到來,都有去土宮望吓.

外宮範圍之大,從呢張相就可以想像得到,簡直好似係香港行緊效野公園咁.

去神宮買御守符係常識吧,但人家好似混入咗神宮人員既大隊咁.

行番出去巴士站,搭車去伊勢神宮既內宮.古時只許神之後裔天皇家族才可以參拜,可見其神聖地位.時移世易,平民都可以到來參拜或觀光,從我身後既自拍女生就知,該處打咭照足以令人萄葡兼讚好.

五十鈴川，溪水乾淨又清涼，水面反映藍天及綠蔭.

內宮之正宮同外宮之正宮一樣,善眾未能窺探內部之陳設,更不用說三大神器之一既八咫鏡.

有別於一般神社寺廟,大部份外宮及內宮既木建築係木原色,不經色料裝飾.可能要配合每20年遷移既特色,省卻拆卸及重組既功夫.雖然没有華麗既色調,但螎入大自然環境既取向,更能顯出神宮既莊嚴及原始歷史.

好熱好趕咁行番去搭巴士,係火車站附近一間日式料理開餐.呢個兒童餐比較特別,幸男一開始就食西瓜作消暑.

我同人家都點咗呢個有松阪牛肉壽司既午餐,好食又豐富,半熟蛋配沙律好特別.

廿分鐘食完個晏就去搭火車去岡崎,因為今晚六點半會有夏季大型煙花.三點左右就落車,車站內外已擠滿穿著傳統甚平及浴衣既男女.到達時發現兩岸已有遊人鋪蓆霸位,更有啲貼上姓氏既帆布,相信係早上已有人佈局黎揀靚位(有啲似我前年睇跌打以水樽作排隊).

幸男食完個炸薯條,意猶未盡,於是再同幸男上去附近既流動小食檔搵嘢食,見到有炸番薯,上面仲灑咗糖粒.

係九洲睇煙火時幸男話"好正"既燒魷魚,當然要買黎食啦.

舊年有48萬人到乙川附近觀賞煙花,今年唔知有幾多呢?

煙花被樹梢及天橋遮掩,我們當然失望,但身旁既當地人好似唔太介意,繼續食小食,邊飲邊傾計.當初我覺得對面岸應該會好一點,但就要付出曬三個鐘頭既辛苦,唔太附合照顧小朋友既條件(真係好熱).天橋已實施人流管制來回,遊人只可以單一方向行.我地行咗一轉天橋來回,係附近路面佇足一會,影咗呢張相就行番去車站.

雖然半個鐘車程番到名古屋站,大家都好攰,因大部份時間都係室外.落番去車站locker提取暫存既手提行李時,見有名古屋名物羽手先專店,於是買一盒15隻,再係隔離店買埋個芝士蛋糕番酒店食.等睇煙火時食過飯團既幸男，都忍唔住要食幾隻。

醬汁調味加芝麻既香炸雞翼,真係好好食,佐酒一流.

PS:當地人睇煙花既情況可能同我地農曆新年咁,今年睇唔到咪下年囉,再唔係就係屋企睇最wide既直播.