係酒店附近既名鉄車士站搭個鐘頭車去長島溫泉隔離既水上樂園Jumbo Ocean Water Pool,最開心既當然係幸男,因為平時係西北泳池都只係得一個小滑梯.一開始玩既親子流水泳池,大人小朋友都順著水流向前游動,攬住水泡既幸男話好似係流水冷麵機咁.
幸男誠邀我一齊玩起伏既滑梯,唯有一齊排隊.幸男無驚之餘,仲話要媽媽陪玩多一次.
園內有兩個用餐區域,好多遊客都係席地而食,我地好好彩搵到個枱櫈位.當地男士多數著沙灘褲,著泳褲既我變成異類.
士多啤梨味刨冰,幸男對眼簡直笑逐顏開~
原本話一齊去等人造浪,點知幸男突然話驚又扭計,結果被我整治,去淺水區就好了.最終人家帶幸男去再深水啲既區域,我就留係淺水區以示不滿(做壞人做到底).
兩母子入去室內兒童區,我就留守門外看嘢(太陽鏡,拖鞋,手巾)
上水換衫後,四點趕入麵包超人館,但櫃台已無人,原來距離閉館只剩半個鐘.我地示意無所謂,但只係買一大一小票,由人家帶幸男入去.
人家話館內人唔多,幸男可以唔洗排隊咁衝去影相同玩.
把握時間去隔離既主題樂園,先玩射水槍路軌車.
跟住幸男自己坐直昇機迴轉機動遊戲.
呢個搞笑,大人小朋友要踩動腳踏令背部既扇葉轉動,扮係人力飛行.
難得幸男肯回望鏡頭,而我又影得切.
相比之下,呢款機動遊戲比廸仕尼既彈弓狗溫文得多.
如果我唔係要揸相機,我都想試呢款,人家好小心咁攝好條長裙,重捉住幸男隻手添~
開始入黑,大家要作最後衝刺.
搵笨既投幤式遊戲,幸男座完飛機,再坐麵包超人.
早知我就坐埋上去幫幸男影相,呢張人家影既比我係地面影既構圖好得多.
電單車旋轉機動遊戲,除咗繞圈轉動外,車子仲會上下搖動,模擬顛簸路面行駛.
最後以Thomas小火車作是日水陸樂園既結尾,玩完就好趕咁去巴士站,但我地行錯路,結果趕上加趕.好在我地無等埋睇21:30既煙花,尾二班車我地都只係僅僅夠位上巴士,仲有人排係我地後面.巴士係煙花爆放既聲音及光影下行走,其間見不少當地人係樂園外圍等睇煙花,自得其樂.
落車時已九點,行去商場既樓上食街揀咗間未打烊又唔駛等位既日式餐廳食晚飯.由於太攰,沒力氣同心情(因幸男扭計)影晚餐相.
