番屋企晾吓衫.睇"地下劫"dvd,又係一條爛片.訓醒覺,換衫搭輕鐵接人家放工.係建生間巴蜀風食晏時撞到阿潘同阿強.本來佢地叫我一齊食,但我話要陪人家,婉拒咗,但最終都係一齊食~食飽飽,同兩位兄弟分手,我同人家搭巴士出旺角行吓.
係信和,潮流特區,兆萬行個轉,見瑪莉奧蘑姑公仔太貴同唔太好攬,結果無買.跟住我地去旺角電腦中心買dvd燒碟,跟住就搭地鐵去油麻地既百老滙電影中心.
今日既主要目的之一,係買電影海報黎遮吓入門口個邊牆既花痕兼點綴吓新居.係信和只係有動畫既海報,於是係最有電影元素既電影中心搵靚海報.
人家突然話想睡房都搞吓貼海報黎點綴吓.但又睇唔啱邊張合心水,於我提意用啲細張既小海報黎砌上牆.同人家係咁揭啲clear
book,坐住橷仔,用店內既白板仔同mark記得所需既號碼.
本來諗住揀啲好型同好靚既小海報,但覺得好似無咩主題,突然提出"不如揀晒啲有kiss既黎貼".人家都話好,於是一齊再揀過,就係咁我地就係電影中心逗留咗一個鐘有多~用vip咭埋單有九折,仲可以儲吓積分添.
