雨中感嘆號

假落雨都算啦,仲要打埋風添,又要困係室內....想同隻羊仔運動下都唔得,你睇吓佢俾雨淋到布冚都透晒.以前細個好鐘意落雨,因為涼啲又可以著雨褸玩水氹.人大咗就唔太鐘意成日落雨,因為唔可以跑步,游水,渣電單車,出街又唔方便,洗咗既衫又晾極都唔乾,成日困係屋企又悶...原來細個成日都係俾老媽困係屋度先至會覺得落雨無咁悶同對自己無影響.

因大風大雨,同台灣女生原定既市區睇戲方案終告取消. 落雨最好就係係屋企打機,點知大佬健又玩"食老虎",又係廳度打x box360既bullet witch,咁唯有番入自己藍天行動既工地繼續工程...

兩點幾,大佬健話好肚餓,一齊出去村口茶餐廳食下午茶,中途見到架MR2好型,唔知係唔係極速傳說over rev主角既戰車呢?

下午茶個雞翼薯條讓咗一隻雞翼俾大佬健,因為自己胃口麻麻地(可能尋晚同人家去打邊爐食得太飽).食完野執陣房,就出去醫院ACC幫老豆攞藥,同將幾件唔會再著既舊衫(房間藍天行動之副產品)放低係PI對出既回收箱裡,再係市中心會台灣女生,一齊過置樂買師父份過期生日禮物,同安置我啲幪面超人電單車既display box,仲好好彩咁搵到之前係市中心被扭罄既NDS超級瑪莉奧touch pen,一套六支筆頭有無敵星,變大磨姑,磚塊,火神花花,金幣同寶物箱,人家見到咁得意當然開心.

買埋vcd就上人家屋企食飯,食完飯就睇<舞出色>vcd,一般啦~之後打多陣nds就搭輕鐵返自己屋企lu.