返完夜班,騎羊兜埋台灣女生返屋企,係自己屋企個廳食住月餅早餐等電熱水爐煲水時,聽到廁所"轟"一聲.原來係假天花有一塊铝板跌咗落黎,其實今次都已經係第二次,兩次都係我等熱水時發生,好在兩次都無人係廁所度咋~
安置好塊铝板係厠所一邊,沖好涼,刷埋牙,就訓到點幾兩點,人家三點至醒,約咗係人家樓下兜人家去市中心攞月餅同行吓.搞到成六點幾至騎羊上人家屋企食飯.食完飯就睇埋back to the future part3,卒之都完成個boxset lu今次既時代係西部牛仔,個個都係騎馬.我覺得騎馬同騎電單車既坐姿都係差唔多,咁我算唔算係現代牛仔?唔怪得渣電單車既人士都係鍾意著住皮褸同boot啦.無咩技能同過人之處既我,只係幾經挫折至攞到個電單車牌,同擁有一架喜愛既電單車係身邊,但我已很開心,因為佢令我平凡到極既生活帶來好多點綴同方便.
返到入村時見門口盞燈無著,摸黑入屋,見枱上寫住門口燈壞咗.問過大佬健,原來係晏晝時,盞燈自己跌咗落地散晒,全屋跳制停電,要打番著個fuse制.
接二發生高空物件無故下墮事故,我仲以為係屋企既重力場出現問題,或者係之前既3點幾級地震所致.後黎老豆話原來個裝修師傅江強(曾經飲完酒車我地返屋企,我仲係後座落緊車時,俾油開車走,將我拋出車外,眼鏡飛脫個位先生)只係用咗兩口螺絲黎拉住盞幾重既燈,其實盞燈有四口螺絲位,只係佢懶!!如果揼到人,真係爆硬缸!樓上阿"dee"腦筍都未生埋,俾盞燈揼中就弊啦~~~~~~~
