晚間拜年

今日番更,師傅打我手提傾計,又問我放工食唔食啲野,但我又係canteen食咗飯,於是約十點半係佢屋企樓下等,上佢屋企坐吓傾吓.

放工見仲有時間,搭輕鐵入村放低啲野,再騎羊去建生既7仔或OK買啲野當拜年.十點多啲,萬寧竟然仲未收,於是走入去揀貨,最後俾我揀咗盒lindt既薄片朱古力(萬寧果然係多啲選擇)

騎羊去愛琴海岸,放低隻羊就自己摸上門.師母開門歡迎,一輪恭喜發財,就入廳坐低.同師傅師母講晒呢排發生既事,大家都覺得大佬同老媽都有問題,最緊要係老豆肯走出個困局.

師母又沖蜜糖水又叮點心俾我食,真係感動,傾吓傾吓,成點鐘至走人.臨走時至記得背囊有盒朱古力,拿拿林攞出黎

同師傅師母傾完感覺到多一分支持同認同,起碼我知道我既做法無走錯方向.