訓醒咗,就出村口茶餐廳食個下午茶.趁好天,洗埋幾件衫,就執好個背囊,騎羊番公司既更衣室換衫,去附近既運動場跑步.由於近排個膝蓋又痛番,所以今次都帶番對patella band黎跑~
咁耐無跑過,今日都可以係兩分十左右一個圈,之前太凍至疏於運動啫~~跑完步,行番去公司既更室沖個涼,就騎羊番屋企.
係屋企打陣nds既孖宝兄弟,就騎羊去市心接人家(人家係對面海上完堂搭車入黎同我食飯).由於天氣回暖咗,所以雙騎去深井食飯,唔洗成日屈係市中心~人家怕大風,叫我帶條頸巾俾佢,我就攞出幾日前買俾人家既頸巾,人家當然開心啦.事源有一日同人家行過ice fire,人家係咁望住條頸巾.前幾日行過見有七折,所以買落黎.
上屯門公路,用咗15分鐘左右既時間就到深井,泊好隻羊,就去之前食過一次lunch既kcal食飯.
