今日係我自小學牙科保健以來(唔知而家啲小學生仲有無),第一次去睇牙醫.
其實舊年巳經參加咗公司優惠既ump,但由於懶同忙於搞結婚同屋企事,一直拖到臨近deadline至去book.好好彩星期一都俾我book到今日既期.阿潘就無咁好彩,今日book都趕唔切係三月內有期.
阿潘行開下路入油,順便兜埋我去元朗check牙(感動).去到診所,由於咭上面個名有一個字母打錯,所以要等一陣,姑娘問清楚,至可以入房.
入到去,牙醫先生問咗少少health
history,跟住就開始洗牙.久違了既強勁超聲波,令我很酸軟,不太舒服,身水身汗,額頭又標汗,加上又要擘大個口黎容納牙醫既洗牙儀器同姑娘既suction管.
半個鐘左右搞掂,最後都無話有飳牙,仲話平時刷牙都刷得幾好添,早晚刷牙戰術成功!!
ps:洗完牙至體會到,.原來平時睇開既日本動作片,女主角都幾辛苦添~~
