無間道

今晚放工返到屋企,見老豆係客廳度睇電視.我平心靜咁問老豆幾個問題,答案同佢係尋晚認錯之前既一樣:無拖過人地手行街;無見過老媽既lab result;無同人地有咩關係;無傷口在身....既然都認咗錯,話會改,咁點解仲要否認呢啲問題呢?老豆仲話可以俾我睇吓有無傷口...

唔通老豆無講大話?老媽都好似係有啲不盡不實,究竟邊個至係可信呢?我同大佬成為咗老媽鋤老豆既棋子?老豆唔係所講中咁過份?

一家人搞到好似各懷鬼胎咁,唔知邊句至係真話,都幾可悲吓....

返工要同啲客人,麻煩同行避免衝突,已經好攰,返到屋企都仲要繼續有防心,真係有點那過.親人唔係應該係最值得信任同依賴嗎?屋企唔係應該係最令人放鬆既地方嗎?

兩老有否知道,佢地既爭執同不合作,的確令兩個兒子好難受,同為難呢?

ps:諗起陳永仁同黃sir講個句:"頂?點頂呀?你黎頂丫?"

失望

返完個早更,晏晝收到老媽既電話問我今晚係唔係屋企食,我見咁問得就硬係想你番去陪下老媽啦,於我一口應承.

同台灣女生食完飯,騎羊返屋企,原來大老健同阿嫂,係屋企打緊機,咁我咪入房訓吓囉,反正真係好鬼攰嘛.

晚飯時份,見屯門市姑媽姑丈都有到黎,但無叫老豆返黎食.食完飯,姑媽姑丈都有同老媽傾屋企單野,都係主張以和為貴,唔好離婚兼俾多次機會大家.

孤高既老媽話唔信老豆會出黎面對,話就算出黎都要脆祖先至信係誠心.我話老豆手腳都有病,有咩事咪又搞到入廠?不如叫老豆五步一跪,十步叩出村公所!

我入房同老豆講,話傾咗好耐至可以有呢個offer,出去係姑丈姑媽,老媽同大佬面前認錯,話唔會再見人地,斷來往,兼會改過,一齊做好啲.點知老媽又數番之前啲野,好奴嘈,後尾老媽又要老豆同阿爺既神位認錯,又問老豆佢襯唔襯得老豆起....

其實一個大男人係自己堂家姐,姐夫,兼兩個仔面前俾自己既女人咁落面法,真係幾難受兼且夠誠意.可惜老媽始終都係話老豆唔係真心講既.老媽係一個強勢既女人,咩都要認叻,唔衰得,要面子,猜忌.姑媽姑丈一心想佢地好,但老媽話佢地睇少同講野有骨.如果唔信人,點解又要叫人地黎食飯,同人地傾呢??

老豆老媽都係盡力為頭家搵錢,只不過一個係辣椒仔,一個係牛精仔.感情出現問題,大家都有責任,加上又唔係其中一方壓倒性咁付出得較多.

老豆既屈服,只係換黎一晚既平靜,無再亙鬧(胡鬧).老媽氣焰咁同佢表妹講:"講你都唔信呀,峰迴路轉呀..."唔通真係咁唔值得信同俾多次機會一個咁多年感情既男人?唔通自己一點兒都無做錯過?

逃

尋晚同大佬健傾到頭到爆,都係唔知點做至可以令兩老冷靜咁坐底傾件事,雖然十二點就訓(比平日早),但都係好攰,好無精神咁返今日既早更..

好耐無試過覺得返工好過返屋企lu,由尋日起已有呢個感覺,工作環境比家更寧靜.對上一次有呢種心情,正係剛畢業,感情空白時個三年.返工,出街飲酒,訓覺前要飲芝華仕,好似係搵緊啲野黎逃避現實咁.

放咗工,駕羊去台灣女生樓下接人家去新墟既巴倫紐荷趕睇兩點半既"死亡魔法".泊好隻羊係戲院斜對面,近河邊既欄杆,我負責冚車,人家去買飛先,原來係兩點八,又俾yahoo網上既戲院時間表昆添~

全場戲都無咩冷場,真係分唔到邊到係高潮位,加上戲內中後期有謎團,結局更叫我始料未及,兩個謎團只能估中一個~

睇完戲後,本來諗住同人家兜去置樂拮魚蛋,但泊底隻羊行咗幾步,就見阿sir起勢咁抄牌,為咗免食牛肉乾,於是折返騎羊直接入元朗既正記食飯.

由於係公路出錯出口,搞到比平時多用咗兩個幾字.由於大家都好肚餓,一坐底就叫野食.星期日真係好鬼多人,我地坐底時已無巳咩吉枱~等野食就硬係耐啦~今次除咗叫蠔仔粥同蠔餅外,仲叫多咗個胡椒蝦,味道一般.

食完野就駕羊送人家返上樓,坐多陣至返自己屋企.今日都總算係偷咗日黎俾自己休息吓,但臨訓前都同大佬健商量咗陣至訓.

兄弟狂歡- 呆滯返工

由於心力交瘁,尋日朝訓到成點至起身.政治晚餐飯太惡哽,起身猛食牛肉乾,跟住就埋手洗衫.

三點幾,應阿潘之約,係我村口茶餐廰食下午茶,兼奉上強少俾我既生日禮物.同阿潘相商量過,一齊送返支養命酒黎補祝強少牛一.

返到屋企一拆開,嘩,好相熟喎!原來係之前我送俾師傅既室內遙控飛機~~

身穿紫色直間恤衫,黑色直腳褲同新買既尖頭皮鞋,加埋師傅既禮物同台灣女生送既斜孭袋,就出門搭小巴去西鐵站旁邊既巴士站會華b.由於遲到,所以一落車就跑去巴士站,但無奈追唔切架961x.巴士離站後,我先見到華b係隊頭望住我兼舉起雙手(呈U字).當我到華b身邊時,華b突然話趁巴士停燈位,我地跑去下一個站(其面馬路).成功上車後,percy應照計劃係市中心站上車join我地,但因為電話上既誤會,percy無排定隊等上車.好在percy都望到我同華係巴士裡下層,娜娜聲跑上前追上巴士,總算計劃成功~~

今晚既飯局係time square既 shooter 52,阿強,阿潘同阿禮都係自己出黎.華b話唔想係鄉村俱樂部聚,所以揀咗呢度食飯.其實之前同emily,蛟龍上完堂黎過食飯,雖然係一間美式餐廳,但係都好似茶餐廳咁熱鬧.飯局其間,有幾個屋企電話打黎,談及煩惱既家事.....

食完飯我地行去一間樓上酒吧飲野,當然係華b介紹啦.我地上到去,就揀咗個每人二百蚊三個鍾任飲plan.

任飲包括數款cocktail,烈酒同啤酒,我地既流程係:紅酒,白酒,紅酒,cocktail,volka,啤酒.由於省城太靚,華b有一下掛住望"景",我地叫佢都唔知,要第二次至識拎番轉個頭.

臨走時大家都好攰,我落到樓企得唔係好穩添,我連銀包裡既銀紙係咩幣值都分唔到.我同華b,percy,阿禮一齊上的士返屯門.由於不勝酒力,故上percy屋企借宿一宵.

朝早訓到八點幾醒咗,收拾細軟就自己落樓.搭小巴入村,沖個涼,訓又訓得唔好.

今日返晏個人都係"偶偶"地...好在都唔係好忙啫.

六國大封相

返完夜,約十一點左右,大佬健入我房話老媽見老豆同個女人講電話,話陪人地去睇湖康診所婦科,搞到喊苦喊忽.我打俾老豆問佢係咪陪人去睇醫生,佢一口叫我唔好埋佢咁多野....無幾耐,老媽返到黎,仲講咗好多老豆既不是,仲係咁喊...我同大佬都相信老媽,覺得老豆離譜.

我又再打俾老豆問佢食唔食晏晝飯,於是應佢既提意,一點三係市中心既大姆指等.老豆話只係同人傾計,無咩關係,話最多應成唔會再見個女人.

夜晚食飯前,老媽話要一家人講清楚件事.於是一家四口係客廳度講.老豆只係認話係同個女人傾計,飲茶,無咩關係,但老媽就唔信,係咁數以前老豆鬧佢同對佢唔好既事,仲話老豆之前夠話唔見個女人,成日講大話.老豆有老豆係度話番老媽有幾咁不仁道同無禮對待...

我有幫兩老從中調和,但無效,老豆開出既做法,係佢以後唔再見個女人,繼續留守家中,但老媽始終唔甘心,話打死都唔這老豆同個女人無關係,只係傾計調情咁簡單,又話要老豆唔好過,要刮個女人出黎.

談判破裂,老媽好求其咁就煮咗晚飯,得我地三父子食,老媽同老豆講話呢餐係佢在家既最後一餐,叫佢食完就執野走.呢餐飯,大家都無咩心機食,我只係扒咗幾啖飯同食幾口餸就離席.
老豆返入房,老媽係客廳同我講到喊.跟住又入番房同老豆嘈,要老豆執野走,仲拎住個電視遙控,好激動咁,好以要"車"落老豆個頭度.一直係佢地房門口監視住既我見勢色唔對,就上前阻止老媽.大佬都入埋黎一齊拉老媽出客廳.

你一句我一句,兩老俾對方既感覺就愈講愈差...老媽入番房攞返個袋,話要走因唔老豆唔走,而佢又唔想見住佢.我係門口欄住老媽"氹"咗好耐都係要走.老媽喊住話咩都係佢錯,當呢幾十年發場惡夢,又話都唔知自己會去邊,死都唔肯講佢會去邊過夜.我喊住攬住老媽黎留住佢老人家,話陪佢係舊屋過夜,老媽訓我間房我訓客廳.......提意一一被拒.最後大佬健出黎幫口,老媽至肯入返屋,放低個袋.其實老媽好在意大佬健係拉佢出客廳時,用咗個粗口黎話佢(數番以前同係咁嘈都無X用假!")


老媽沖完個涼,就入番房訓,兩老玩"與敵同眠",我都等到兩點見再無嘈吵聲至訓,好怕半夜又黎過同有人做儍事,今晚真係好攰.....

懷舊game,新玩法

細個時好多時都玩紅白機game,其中一隻經典既就係足小將.當時係以指令遊戲形式黎進行.指令大致分為盤球/扭波(上制),傳波(左制),撞牆(下制),射球(右制).平時十字制用黎控制自己控球既隊友行走既方向,B制用黎進入剛才介紹既四大指令菜單,A制用黎決定.

當年玩到好開心,因本身細個時鍾意睇足球小將,加上隻game好似見電視咁有動畫睇.好多時係完場前既補時狀態,一開波就交俾志偉係中場黎個衝力射球,駁入多粒.由於要球員夠level至可以砌底電腦,所以有時唔夠打輪咗要打返之前個場多一次升夠level至可以繼續打落去.

2006既呢隻新版,以3d立體黎表達,只可直接控制隊長(志偉)既走動,其他隊友只可間接控制佢交波俾阿水同射門.每當同敵方角力時,就不再好似以前咁單憑球員本身level及能力值黎決定邊個輸贏,今次仲加入類似打鼓機既捉timing"禁"制黎作分野(critical>smash>good>bad),二至三個鏡頭黎表達角力時捉timing,好似卡通咁.因此就算己方能力較差,只要自己捉timing高分,都可以壓過電腦.射門都係要捉timing入指定既制,(如:口XO ).

本人幾接受呢個系統,因真實既足球都係講求反應同timing嘛,不過要儲好耐至夠level射絕招射球就好點無奈...勝在新風格還算流暢,多原著event(如志偉以衝力反射小志強既猛虎射球,感動~~~).如果你唔係足球小將迷就唔好玩啦,點都係無winning咁即時性同真實同多組織性嘛~

ps:好鍾意睇game開頭播個段主題曲作opening(經典場面),畫面用番當年電視個隻色水,正~

我的頭盔s

身為一個騎士,頭盔當然係唔少得啦,今次想同大家回顧吓曾經同我出雙入對既裝備.呢個係我第一個頭盔(台灣叫安全帽),係02年尾,我同契細佬去台灣旅行時買既,100%台制"海鳥牌",特色係橙色風鏡,得額頭兩個通風窿仔,樣子普通,勝在夠平,三舊水左右,係香港買同款要成四舊有多.呢個頭盔陪我係學車階段努力,始終駕駛學院個啲真係幾殘同唔乾淨....

攞咗牌,03年豆姐同慧雅姨送咗個NOLAN西瓜皮頭盔俾我(上圖相中右邊).其實個款係我揀(大角咀安定),當俾錢時豆姐搶住刷咭.當時即補錢配茶色風鏡.意大利品牌都幾"襟"用,個風鏡位仲好順暢同實淨,七舊幾水價錢,但無通風孔,較熱,加上有個別同事話拉花似係一條底褲笠住個頭盔咁.

04年,我係九龍城既勇記買咗個日本品牌OGK既teleo's頭盔(上圖相中左邊),八舊水價錢,特色係有個太陽帽仔,前後對流通風窿仔,覆蓋過耳仔,風鏡都大啲,無咁易入風.當時俾錢配咗個太深色既風鏡,夜晚睇野唔太清,所以要花錢配番個淺色啲既(淺藍色).話就話係可拆內綿,但啲摩術貼好唔掂,一拆就連個依附外殼內邊既摩術貼都甩埋出黎,所以都係無拆過出黎,只係好以之前咁用頭盔內綿清潔劑黎清洗.另外個風鏡轉動位好快就因滑牙而導致鬆動...用耐咗仲覺得個頭盔好以愈黎愈鬆咁,包唔實個頭仔......

嘩,影番張三代同堂先.呢三個都係我正式成為電單車駕駛者後專用既頭盔,學車果個因爛咗而無keep.

我而家用緊既係日本品牌YAMAHA YJ5 ZENITH頭盔(上圖相中最左邊),05年十一月係大角咀安定買入,千二有找;原廠附有淺茶色防uv風鏡(唔洗花錢配,同keep多塊鏡);前後通風窿仔;"啪"樓式可拆除內綿(個位好fit又實淨,拆咗十幾廿次黎洗都無問題);風鏡轉動位穏陣(但都係NOLAN個隻最掂);静音,初用時自己開快咗都唔覺.

咁多個最滿意現任頭盔,所以今年五月買黎送俾台灣女生作為女友專用頭盔時,都係揀番呢款既黑色版,情侣裝嘛~

頭盔之護埋

之前同大家講過愛羊既清洗方法,今次想講吓頭盔點keep得乾淨.其實同車身一樣,頭盔都好容易係行車時沙塵既洗禮,所以常規既清洗好重要,出車見人到醒神啲啦,鐵騎唔一定係成隻污糟貓咁o架嘛.

先用乾布輕輕掃走表面塵垢,之後用濕有皂液既濕毛巾(小小泡就得o架啦)黎抺風鏡內外面,再抺外殼,因風鏡較易花嘛.跟住用濕有清水既毛巾黎抺走皂澈既殘積,再等風乾就掂晒~

咁一陣汗味既內部又點搞好呢?如果內綿係可以拆既話,放係加咗皂液既水盆浸一陣(揀番閣下鍾意個隻味),再輕輕"卒"吓佢.之後再用一盆清水黎過一過水,務求唔好"滑潺潺".最後輕輕用雙手壓走多餘既水,再放係通風地方吹乾或太陽下曬.乾透後裝著番頭盔內部~

如果頭盔內綿唔拆得既話,就用市面上既頭盔專用清潔噴劑噴一噴,一會兒之後再用扭乾既濕布黎"索"番走啲泡泡,等風乾.不過最好都係用可拆內綿既頭盔啦,方便清洗又舒服啲,但千祈唔好買係魔術貼個隻,因拆多幾次會連個底都扯甩埋,脫離母體...(我係過來人)要買就買"啪"褸個隻~

頭盔套都要定時清洗,但只需當係普通衣服咁洗就可以~

ps:記住常清洗,好好保養自己既裝備,"襟"用啲嘛~戴過既頭盔,最好打開風鏡黎散吓陣味,第二日至再用喔~

行街,睇戲,食飯

尋日朝起就食少少野,執吓間房,就幫羊仔清洗同打腊,平時咁辛苦佢,要兩個星期清洗兼打腊黎慰勞吓..身水身汗,搞到成兩點至衝入厠所沖涼,梳洗,換衫,再騎羊去接台灣女生放工.

同人家打的去建生食個下午茶,再搭巴士出九龍.本來諗住係百老滙電影中心換飛睇"世貿中心 ",但上車至見到張咭係話週末同公眾假除外,於是變陣係旺角落車,去朗豪坊既UA睇.去到見無人排隊,以為有位,原來係無晒位至無人排隊,仲要夜晚七點幾個場都係咁糟糕,真不概為週末......

跟住再返回原本既plan A,搭地鐵去百老滙電影中心睇,搏佢夠僻夠冷,少啲人去,唔用贈劵咪用八折vip card囉.一去到見幾多人係門口, 但去到櫃枱又話仲有位,五分鐘後開場,仲話我夠積分可以買一送一,正~~~

睇完戲,我地行返去旺角搵番間"和井"食鐵板燒(我同人家都係第一次食咋),因之前收過傳單話有大大隻聖子皇.老細好好人,話要等兩三個字,問我貴姓同電話冧巴,跟住我地去咗隔離鋪既精品店睇野.唔夠三個字,老細打我手提話有位lu,幾好服務噃~

我地坐普通枱(bar枱全滿),叫咗牛柳(六成熟),聖子皇x2,大蝦,三文魚同劍腩刺身.老細好好人,提我地點錯醬,又同地講老虎蝦頭啲膏都好食,好多客都鐘意,但可惜我地都唔太好蝦頭.

聖子皇真係幾大隻o架,你睇,長過隻食指o架~~~

甜品係鋪頭自家制既雞蛋布丁,好滑,食落有戲院爆谷既味道,人家話可能係落咗焦糖~~

埋單後,去買咗對鞋(只係得九折),再去食八爪魚丸,我地問收銀哥仔可否俾多包糖漿,因人家覺得抺茶無咩味.哥仔一口話無,因一杯只係跟一包糖漿...後黎有個後生仔又企埋黎我地張枱開餐,我地牛咁眼望住佢落唔落糖漿.佢啜咗幾口都無落到,繼續食八爪魚丸,我同人家亙望,人家心知我想謀咗人地包糖漿.點知後生仔啜多兩口後就打開糖漿包自用....


係巴士站度上咗架村巴,好快就送人家返到屋企.自己搭輕鐵返公司攞羊仔,入村無耐,見一班夜遊少年踩住單車霸住晒來回兩條線,我要閃大燈同收油黎等佢地group埋係左線(打住死火燈黎等),避對面線既私家車.見佢地無再散開至打燈抽頭過.好彩無咩意外啫~~

三讀通過

尋日特意同ic講話今日想食2nd,因要去職員診所09:00覆診.八點七至放低晒手頭上既野,同一眾同事食早餐,但到canteen時已八點八個字多啲,於是叫外賣,係職員診所(acc 9/f)邊等,邊食.為免礙眼,我就除咗自己個pass.由於無枱,所以係櫈上面攤開兜沙嗲牛意同盒雞扒煎蛋,每樣食啲,再final fusion為雞夫煎蛋拼沙嗲牛意.

食完早餐,醫生成九點二至叫我入房.今日係聽番之前三次三個檢驗既報告,醫生姐姐竟然逐個逐個拖慢黎講,似想同我玩俄羅絲輪盤咁.好彩都係三讀通過pass啫~

放工後,騎羊去置樂食單渶餐.send咗個sms俾老媽老豆話報告無問題,老媽好快就打番俾我話知道同問我係唔係屋企食晚飯.之後再係相熟商場度行吓.嘩,開鋪啦,今次買到"特別版"ps2足球小將同metal slug 6呀~~~~再係另一間鋪見到有軍曹著住人形suit既手機繩公仔,即買!又係攞羊途中行入間"up dup"影碟鋪,意外地搵到我第一次睇既韓片"生死諜變",又買埋~

騎羊入村,立即試啲碟,又無咩問題喎.訓咗個零鐘,六點多啲就騎羊返公司換衫去附近運動場跑步.咁耐無跑都還可以有十個圈,年紀大啦...返公司既更衣室沖埋涼至返屋企食飯.

夜晚十一點三,同羊仔一齊係市中心接台灣女生,因為人家既同事(helen)有歡送會(稻香).送人家上樓兼送理今日採購既小小心意,坐多陣就駕羊回家lu~

砌Q版模型

今日返晏晝班時,哥頓臨收工前送咗份牛一禮物過我,原來係軍曹模型~~~~(多謝~)
好耐無砌模型啦,又諗起台灣女生都未砌過模型,於是放工番屋企攞野俾師傅時,順便攞埋模型kit(剪鉗,夾鉗,同小型平字螺絲批)加埋劃線筆(印有高達頭個隻)入背囊,一心上人家屋企一齊砌.

第一站係去黃海岸商場停底隻羊,等師傅出黎收份小食(希望無被櫈散),師傅又送黎一份牛一禮物,噢,咁大個仔都係第一次收.師傅話我地都年紀大啦,係時候要用吓,就算我唔係好似佢返工要著老西都咁話.師傅真為我諗,好有被照顧既感覺~~

企係度傾咗一陣,我就同愛羊向人家屋企出發.上到人家屋企就試吓師傅既禮物(用memo pad),都唔錯喎~跟住就同人家一齊埋手砌軍曹,經過一個鐘頭多啲既時間(因人家有少少出錯),未經上油,只有貼紙同劃線既軍曹就完成啦!!!

個盒面有啲似當年既bb戰士sd高達既味道,好有童年feel,當時儲好耐錢至買到盒o家~

近鏡睇吓我地既劣作,嘩,剪口唔齊,劃線一段段...不過人家話想個機械人係單眼造型,得意啲,於是我用劃線筆幫手.

坐住騎乘式飛船既軍曹係咪同我呢個羊騎士好襯呢?軍曹係騎住佢黎同機械人本體作合體黎操控o架.(鐵甲萬能俠模式)

不過電視有一集,軍曹係網上用平價買番黎個架次貨既款sporty啲,呢架就軍事feel重啲~~~

攰透的一天,爛透的一天

返完夜班,等埋台灣女生,就駕羊兜人家到樓下,再返自己屋企.沖完涼,諗住浸陣頭盔內綿先,一陣再沖水洗,點知就係房訓著咗.直到十二點三四個字至醒,於是入去厠所,洗埋浸咗四個鐘既內綿.

打俾人家,人家話己係中環睇完醫生,開始搭車入返屯門.本來想校鬧鐘十點幾起身陪人家出去睇醫生,但都失敗....起身梳洗完又搭小巴出市中心會人家食晏.

係溫莎食完個set lunch,我地買埋dvd就搭輕鐵上人家屋企抬部電腦去市中心既"城市"check.職員試過好幾次boot機都成功,話可能係附插既部件有問題,叫我地返屋企逐樣插黎試.唔洗收檢查費,我地只係順道買咗啲cdr 同dvdr就抬番部機走.

係許留山食咗少少野,再去買咗隻cd,又抬番部機上人家屋企.懷疑係個tv box出事,無插之後又boot到機,一齊正常~(咁就六點幾)

人家話想睇"無間道風雲",游說無效,都係決定要去睇,於是揀今日夜晚睇七點半,一如所料-"爛"

開場時原著既佛堂變咗做教堂(嘔血x1);

兩個半鐘似係揼波鐘;

鬼佬黃sir變咗好似紙紮公仔咁慢鏡飄落街(由高樓墮下變成三四層高既貨倉);

高樓天台天人合人講數變成工廠區背景襯"up dup"天台;

戲院交收情報加入不文爛笑話;

"忽忽"聲,大量粗口;

女角咁老都可以一拖二;

鬼佬黃sir似慈祥既心臟病伯伯多過高級幹探;

鬼佬劉建明臨尾被尋仇報復槍殺前,竟然話"ok",之後被headshot,再影露台有隻老鼠,真係一肚火;

打摩斯密碼變打sms;

配樂差,好多時仲係得主角齋講......

好多本來好型同緊張既場面,被西化後變得無聊同乏味,被稍作改變或加插既穚段無帶黎驚喜同新鮮之餘,反而惹人反感.

本來諗住"龍虎門"係我今年睇過最爛既戲,但而家我會揀"無間道風雲","無間道"係香港人既驕傲!

睇完戲(我地有兩次想中途離場既念頭),行去新金榮食打冷,食食吓我倆都好攰好眼訓同發覺之前元朗間正記好食好多,睇黎下次都會再去~~

幾OK的一天

返完早班,同台灣女生一齊騎羊到市中心食晏(惠比壽),之後去買魚生做寳夜,兜埋人家返屋企,自己再番入村.見無咩油剩,到村口相熟油站入油,"白金,積分咭,俾現金丫,唔該~"點知阿姐話兩支白金旋風既油槍都壞咗,要夜晚或聴朝至整好,唯有要愛羊餓多一日啦,都夠行多一日既~

返到自己既車位,嘩!擺地攤咁,成地都係維修零件.心知一定係樓上三樓既屋主同佢朋友一齊係度整電單車(之前都試過).不過無所謂啦,都係一陣啫,同埋見係電單車加樓上樓下,泊好羊仔係車位附近,就返入屋沖涼訓覺,準備返夜.

訓近兩個鐘,無話訓唔著之餘,醒時無平時四肢發熱,寃寃痛咁,唔通發完澆係唔通啲既.係屋企同老豆老媽食埋晚飯,坐多陣就駕羊返工.

今晚都幾ok,十二點前有阿jack,正規軍又有emily,雞脾,嫻姐同我,夠晒腳,真係打牌都得.平平安安,卒之都似番啲合埋既工作環境,保持到質素~

抗戰五年

九點幾起身,食少少野,就騎羊去市中心附近剪髮,tiffany依舊健談,仲話師傅前幾日至去剪髮黎添.剪完髮,成個人都爽晒,之前長到好似"龍虎門"啲主角咁,又熱又焗又遮晒眼,辛苦......

返工前係屋企煮咗個燒鴨米粉(隔夜餸),話晒都成個成期無返工,都係食定啲野打吓底先(呢款四洲紫菜米粉幾好食),之後騎羊返工.

今日同蛟龍一齊做"o靚",感覺好似啱啱畢業咁,雖然初段有啲忙,但整體都可接受,當然英雄都幫我地兜唔少野啦.

畢業就五年啦,真係老盡少年心(當年廿三),理想,抱負,助人,體恤...好多好多衝擊,笑臉都都比剛畢業時少.以前讀高中部時一股傲氣,成日同啲廢既阿sir頂撞同挑戰.其中一個"斌仔"(外號禿鷹,全名張子斌)同我講"而家你幾反叛都好,出都黎做野,你就會馴晒"當時既我唔明,而家明晒.係更衣室撞番之前係我工作環頭實習過既後生仔,以前佢精神奕奕.好多野講,俾人活力型既感覺,但而家見佢好低調,少說話,打招呼都係點吓頭,好似好攰,又好似係是人事令佢好怕同人多講野咁.我曾忍唔住同佢講"你以前都唔係咁靜o架?"佢以緘默黎作回應....

支持我信念既學說有幾個:

阿公教我中文字時話"做人豈能盡如人意" "難得糊塗";

會考部化學科黃濟宏老師話"無人要你一定要做到一百分,但基本既野同你能力所及既事就一定要做"(暗示你班友仔攞唔到A都要攞合格番黎交代);

大佬健聽完我吐苦水後講既一句"PK到處都有"(粗俗咗少少)

(省略)

"後生仔蝕底野唔怕做"呢句說話係咪已經不合時宜呢?

PS:中年人點解會發褔?可能佢地要食多啲野至有力氣去迎接更多既衝擊~

悠悠閒

由於身體不適既關係,今日都係留守區內,兩點左右到台灣女生樓下,同人家一齊行去太興食晏晝加下午茶,人家食雙拼米粉配凍檸茶,我就食雞中翼配凍奶茶(招牌"冰鎮奶茶").食完野上咗人家屋企睇vcd"複式二人世界",都幾搞笑,結局又出人意表.跟住我地騎羊去置樂食咖哩魚蛋(人家食多條腸仔),行咗個圈睇玩具,再係惠康買少少啤酒,人家仲買咗盒大型愉快動物餅添(舊稱"得意動意餅"),之後就直駛入我條村.

返到屋企,上陣網,就開飯啦.老媽今晚炒蜆,但當然比尋晚易入口得多啦~自從人家黎我屋企食飯後,老媽都好似笑多咗,少咗啲戾氣,可能佢係鐘意女仔多過男仔啦,當年佢都係想生女既,點知兩個都係有"柄"~

深井,旺角,元朗

十一點九係台灣女生樓下接人家上羊,目的係深井Kcal食晏晝飯~我地經屯門公路,落深井.泊好羊仔.我地只係用咗半個鐘時間就可以坐低叫野食,感覺好似係搭輕鐵出市中心食飯既時間一樣.食個set lunch 1 黑椒西冷牛扒飯,我要七成熟,但人家話要八成熟,可能人家怕生.但由於塊扒係好薄,所以人家塊扖變得較韌..

之後回程經青山公路沿海邊走,女仔係鐘意海邊嘛~~兜人家到樓下,我就再去市中心,轉搭巴士出旺角nokia維修部攞番個電話.今次換埋底版,機身號碼都唔同咗,其本上除咗個殼之外咩都換過晒(上一次話換咗個屏幕,再上次上蓋啲制無反應換咗條cable,之前有回聲換過個咪).

係維修部要等五十張飛,無位坐,齋企,打住孖宝賽車等,好攰......人頭湧湧,好嘈好焗束...等咗近大半個鐘,攞番部機,即場用spare mini sd咭入晒啲相同鈴聲落電話度,校返晒之前既set up,睇吓有無事.搞咗一輪,見無咩異樣,先至安心離開.呢幾日辛苦你啦沉睡多年既8850~

"熬"巴士返入屯門,好肚痛(感冒菌入腸?),去一去大會堂,之後又好肚餓,於是係老麥堂食咗個蘋果批同橙汁.諗住直接去塘坊村搵ben弟同人家,點知佢地仲係元朗博愛踩緊單車,於是跟據佢地既口述,試下搵下ben弟屋企係邊,但搵唔到,唯有返入自己村屋企請教地圖王....

睇完地圖,人家打黎話己經係友人ben弟同佢女友既愛巢,於是洗個面,清神啲,又再駕羊出發.睇完地圖,加埋之前ben弟既述,呢次就好容易搵到啦,但人家係ben弟樓下餵住蚊黎等我,內疚x1
係ben弟屋企坐咗陣,打咗陣三人連戰既孖宝賽車,就去元朗舊B仔後面既打冷大排檔"正記"食晚飯,我同人家騎羊,ben弟同佢女友就坐輕鐵(但佢地快過我地....)避風塘炒蜆好辣,唔知點解可以炒得好乾身;鹵水鵝片拼豬頸肉啖啖肉;椒鹽鮮魷夠惹味;蠔餅落足料,多蠔仔;蠔仔粥一般水準,無咩出錯.四個人食飽飽,去咗隔離檔玩夾公仔,失敗....再行去B仔食甜品,傾多陣就散lu,我當然用專羊送人家番屋企la(係運動場十字路口撞到德輝渣住車係對面線經過揮手添).

自己返到屋企時已經好攰,成身好似泥鴨咁"lup",沖完個涼至感覺好啲,今日都係太頻撲了,就其是病既時候.......

装着変身

唔舒服,作感冒,於是滯留係區內.晏晝兜台灣女生去市中心食惠比壽.人家又叫番什錦天婦羅烏冬,我就食咖哩雞扖烏冬.食完野係吉之鳥行咗陣,係玩具部見到幪面超人555系列既DELTA賣$39.9,嘩,跳樓價呀~於是係架上揀隻最唔花既黎買.期間有個小朋友唔夠高,於是"顎"高個頭問我,"哥哥,上面個架仲有無藍色個隻呀?",我答佢己經無晒後,小朋友就走lu.人家問我小朋友同我講咩,我就話佢唔夠高想我幫佢睇下最高個架有無紫色既kaixa賣.平時返工又唔見咁精靈,個腦裝晒呢啲野......

之前買既幪面超人black就無咁平啦,要成舊水($110),因為唔係電視播緊,所以入貨交少.佢係我第一個迷上既幪面超人角色,當時我小學六年班,冷球台播出.由於當年(八十年代末)係日本反應都唔錯,所以之後出咗個添食續集作RX.

Black既絶技有Rider Punch,Rider Kick.當時既特攝片水平仲係停留於奸角心口碎大石既時代,永遠只會硬食主角既絶技,唔會避亦唔會擋.佢係幪面超人史上一個轉捩點,因為隨後既 真 , ZO, J (1993-1994)都只係一集過既電影版,而且反應好差,當中只係ZO做型出較吸引.

幪面超人一直都無新出作,潛水潛到2000年,幪面超人KUGA卒之再一次帶起幪面超人熱潮,推上另一個高峰~之後食住條水,日本相繼推出,AGITO, 龍騎, 555, 響鬼 ,劍, KABUTO.

希望遲啲可以買到祖國版或正版黎睇啦~

PS:仮面ライダー中既ライダー係英文RIDER(騎士)之日文拼音,所以個個幪面超人都係有電單車~~

37.8

自上星期五覺得作感冒後,今日卒之都爆發出黎啦,久違了既發燒呀!!!!
尋日朝早騎羊到台灣女生樓下,接人家去元朗大榮華飲茶,點心車黎黎去去都係個幾架,無咩野食...人家靈機一觸,話不如去天水圍既濕地公園,於是又騎羊入天水圍.去到公園先入閘泊低隻羊仔.八蚊個鐘,附近又無咩空位剷上行人路,又唔見有前輩泊既鐵騎,所以都照泊.

入場每人三十蚊,人家玩得好開心,起初我都無咩野既,空內冷氣睇展覽,後黎出去戶外就出事啦.

由於係即興,所以無帶遮,無帶水,一路行,一路乾煎(雖然唔係好猛太陽),沿途又無水機同汽水機,行到一半已體力不繼,好攰好暈,好口乾.人家幫我咩住個背囊,硌支持我到室內地方,幫我買罐冰凍可樂,坐低抖吓至回復狀態.

兜完人去中心買啲野,送人家到樓下,自己就返入村,諗住抖下,但見電話又係壞,打去客戶熱線度問點搞.姐姐仔叫我照拎部機去維修中心,再打上去報個job number,等佢地幫我跟得足啲同了解吓.

於是無訓過,攞住老豆部舊手提電話出去旺角.同"禁"飛姐仔講打過上hotline,唔洗排隊,直接係7號窗等職員,up多次壞咩,收單,打上hotline報job number,就搭番巴士入屯門,成程車係咁訓,好攰.

返屋企換過件衫就去元朗西鐵站隔離既燒烤樂園同大姐大佬,成班自己友一齊飲飲食食,十月生日大食會性質.今次係玩包廂,因為俾咗百二蚊海鮮餐,包一隻美國生蠔,青口,扇貝,大蝦.全部有人代燒.其他腸仔雞翼等正價野就任叫,由專人代燒.我地只係係包廂中睇電視,涼冷氣,開餐,隊汽水啤酒,不沾油煙~~尾段時已經好攰,係梳化度攤係度(諗起今朝貝貝都係攤係舊石,浸係啲水郁都唔郁).

原來呢一切都係令我發燒既先兆,作緊病仲四周去,錯晒.......而家成身無力,頭重重,面慶慶.放假至病,無癮.....

美酒伴天光

返完夜,訓到成兩點至起身,好攰,好辛苦..同台灣女生傾咗陣電話,約四點左右係人家樓下集合,一齊出旺角.為咩?咪又係整電話囉.出到去好唔想去既nokia維修中心,例牌"禁"飛等.去到counter話個上次整完panel 掣兼upgrade software之後,screen儍晒,hang機,就放低部機,同人家行去北海道 活壽司食晚飯(我既第一餐正餐).今次既蟹腹肉無咁好食,雖然係大塊咗.多咗好幾樣壽司,其中芝士海鮮軍艦幾好食,我地叫咗兩碟.番工咁辛苦,我出手叫咗個活粒貝壽司兼刺身食($50).

食完飯啱啱好一個鐘,上番維修中心攞機,姐姐仔話換咗個屏幕,同再入過個程式(上次upgrade完程式至出事o架喎).人家問姐姐部機即係咩事,姐姐仔只係答番同一樣野,無答過.算啦算啦,無事就算啦,同人家搭番巴士入屯門,期間花畫面又出現......

人家約舊同學聚舊,所以送人家去到叠茵庭門口,自己就行返去西鐵站,搭輕鐵返屋企,換過件衫,就出發去andrew家飲野.

主人家愛犬hercus同大力仔都係陪住我地飲紅酒,傾吓飲吓,成五點幾至走,已經日出了打搞晒andrew,同兩位伴酒犬隻~~

大假前席,由朝忙到晚

下星期放大假,諗住返埋個A/N就可以抖抖,點知係失眠同作感冒之下,好攰咁返早更.頭重重,面慶慶,又燒唔起,點知個早更忙到死.幫手執床搞到成九點七至收檔,又要聽書,忙忙忙到放工.
 同台灣女生約咗係職員診所等,人家打針,我就抽血.大師兄好忙,我地成三點至走得.騎羊去市中心食粉屋,再買埋魚生,兜完人家到屋企樓下,自己返得屋企黎到近五點.沖完涼,諗住訓到七點半(兩個鐘多啲).點知老媽叫市中心姑媽,姑丈同一對夫婦(所為既朋友)黎食飯.訓得個淩鐘就醒咗..........

食完飯,係房坐多陣就返夜班.今晚十至二call,忙到七彩.收九個(一個tube 住上),再tube一個(由dnr模式轉為active模式).好耐都無試過無得推車仔出黎食野,要奉行傳統有秩序分批入pantry制~~兩點幾至係第一輪(elaine同群姐),嫦兄影單隻影咁處埋iv賽事,我就繼續埋手於混亂既板海之中....

第三輪到我入座叉電時,已經係四點半,距離上一餐已經有八個鐘咁耐,被人推去做手術都得......

五點鐘嫦兄入黎通知特別工作,於是又出去幫手.今晚真係辛苦晒嫦兄,elaine同群姐,希望你地唔會怕咗同我一齊返夜啦,群姐仲話好似佢第一晚拍我返夜個晚咁甘添.

重要日子心情差,手提電話畫面花!!

電話整好咗第二日已經又有問題,今次係個screen無反應兼雪花,全黑或兩頁screen重叠.因為呢幾日要開工,所以要挨到sleeping day至可以出去搞搞佢.....

之前我換電話,好多時都係整極都係壞,心灰意冷至trade in買過部新,但而家呢刻又真係諗唔到想出邊部.

而家想打出又無畫面,打短訊又唔得,又睇唔到朋友仔發過黎既短訊,只係可以接電話,有啲似以前步步通,和記天地綫年代,個電話只能打出,call機用黎收邊個電話冧巴搵你咁.....幾時先至可以整好個電話呢...

今日係屯宿之男八週年紀念日,八年前相識,一齊玩,一齊讀書,由廿頭亙相照應到而家廿尾.本身朋友唔多既我,真係好高興認識到大家,同撈同煲.

華b:好記得我唔舒服時,你看鋪之餘仲為我"執番劑"---中藥,仲煲埋添
阿潘:一直你都好關照我,好多技術支援,鋤書時一齊構思"巨羊號"
阿禮:好後悔無好好跟你學結他
強少:好懷念你充滿淩亂美既房間,同夜來杯麵香
percy:早餐鐵膽,一直都好想再一次同你打街霸打到半夜三間,同再一次欣賞你"史詩式既英雄氣概"
阿bill:同你無數既寢邊對話
阿jay: 仲記唔記得一齊送朱古力俾psycho miss?
瀟灑:你步入theater 時既紅髮造型實在瀟灑~
"gentlemen,all the best,cheers~~"

過山車心情

今日既心情真係大忽高忽低,因為尋晚同台灣女生既飯局真係麻麻既關係,一放工就駕羊去人家樓下接人家去市中心間惠比壽食晏晝飯.因為呢間店就到三點就會唔比客入門,要準傋落場,所以之前幾次都人家都無緣幫親.今日卒之都可以同人家食到啦,啲野食水準好過尋晚,人家食得開心,總算良心無咁難過,心情好番啲.之後買啲野上我屋企,就打住nds孖室賽車(我送俾家既生日禮之一)黎等食飯,見人家玩得高興,心情又好再番啲.

食完晚飯,諗住同人家一齊玩我買俾自己做生日禮物既變形金剛masterpiece Starscream(星星叫),當我雀躍萬分咁變形時,"啪"一舊機背部件飛脫,本來一心諗住係大力得滯,入番"筍"位就ok,點知原來係少咗口螺絲導致部件不隱固......

呢款係我咁大個仔最精細同大隻既變形金剛(BT系列)兼且係MASTERPIECE添,行咗妤幾間鋪格價,以四百六十大元購入o架.......點解你咁命苦呀??雖然唔係好似超合金咁多金屬部份,但都唔係咁化學o架..好耐之前我己經有架macross yf-19 個機頭斷咗....

其實係前面望都唔太知機背出咗事,希望膠水可以拯救星星叫啦~~~嗚~~嗚~~~~~~

不太順利之生日飯局

朝早起身,見牀尾風扇邊有個信封下寫有"xxx先生笑納",心知一家係老媽俾我.每年生日老媽都會寫張生日咭俾我,都儲咗好幾年,但今年呢張最搞鬼一向不太講笑同多言(步驚雲個種)既老媽竟然有進步,顯得較開朗.我都忍唔住send咗個sms俾佢"已收到生日咭,幾盞鬼,多謝記得平日都笑多啲,幽黙啲"但老媽回覆咗一個空白短訊番黎,呢個係老媽一生人第一次發俾我既短訊呀~

十二點半左右上台灣女生屋企,送出生日禮物-玩具超市車載住tamama吹氣燈籠,nds 孖宝兄弟賽車遊戲,以及孖宝兄弟賽車玩具遙控車.雖然唔太實際,但勝在得意,有得玩~跟住就同人家同伯母一齊去飲茶,再出尖沙咀睇戲.由於無咩戲上,所以睇咗條爛片"超女強勢回歸"

行咗陣街,約六點九去到ashley33食晚飯.之前同人家黎過呢度飲野,覺得幾舒服,但原來啲野食麻麻地.本來想叫既龍蝦意粉,姐姐仔話賣晒,但其實都唔無咩客係食緊飯丫,賣晒定係無入貨o架?

燒春雞飯既雞又好似幾淡口;,芝士牛肉焗濶條麵,反而只食得出肉醬意粉既味道????;前菜既芝士焗粟米卡片就係味道一般既香口助酒小食.

人家叫既electric cuppucino係易入口既朱古力酒特飲,而我叫既kir royal唔知點解好深色,可能係香檳成份少咗,之前係酒店飲開都唔係咁既,入口香檳味薄晒,失去咗平衡.

食完飯,行咗去海傍,應人家之提議,用廿蚊影咗張自由必愛既維港夜景留念.之後就搭車返屋企lu.今日無咩特別節目同驚喜,好在人家都無怪我,下次都係揀食自助餐好啲....早知今日,何必當初.....

國慶翌日

十點唔夠就醒咗,食少少野就開始洗衫行動.細個時,老豆老媽係手洗出街衫,其他粗著或褲就機洗.隨住年紀既增長,都少咗手洗,加上老豆手腳唔方便,只係得番老媽會手洗.為咗唔好令老人家辛苦,自從係市中心搬番入村後,自己既手洗衫就由我洗番,減低老媽工作量,如果我連機洗都做埋,老媽會唔高興後來nokia打黎話電話已維修好,有得攞添~生日係唔同啲~

點幾鐘左右,台灣女生家訪寒舍,重送上生日蛋糕(藍梅芝士),同生日禮品包~食過蛋糕,拆過禮物,就同人家一齊先出旺角攞返部電話.出到去都要等六十幾張飛至有得交單,我地去咗麥當奴坐低,叫咗個星星sh餅,蘋果批,中可樂 x 2,其實人家之前都話想食呢款薯餅0架.最終由"禁"飛仔起計,搞咗一個鐘至攞得番部機.
我地搭地鐵,再轉260入赤柱食晚飯,係人家安排既.我地叫咗生蠔做前菜,特色夾餅(內有兩種芝士)同主菜牛柳串燒(你睇幾大條!!!)生日飲番杯都好平常丫,所以我揀咗tetley's,人家揀咗sunset.酒類飲品價錢都係同一般酒吧一樣.

啲野食唔錯,生蠔好滑,夾餅好香芝士味同脆口,牛柳又夠香嫰美式餐廳樣樣都大大碟,我地都食到飽飽,人家飲到面紅發熱,pulse直飊百二!
我地係海邊行咗陣散吓酒氣,就搭番260再係灣仔上960返屋企lu~~
收到多個朋友既短訊,多謝晒先!

ps:女友如此,夫復何求~

國慶圍村盆菜

返完早更,同台灣女生去太興食下午茶,人家好雀躍咁叫咗個乳豬叉燒河粉食,真係第一次識得咁溫文既女仔係鍾意食燒味,有啲明白點會鍾意麥兜.我就食雞中翼配冰鎮奶茶~送完人家上樓,自己騎羊入村沖個涼,睇咗陣angel heart 第20期,就出門去屏山同同事一齊食國慶盆菜.一落輕鐵就見到好多彩旗寫住"慶祝國慶",一路伸展到食盆菜既祠堂對開空地.

坐坐吓就開始落毛毛雨,大家坐咗陣至有盆上,分兩枱坐既我地一齊舉杯開餐.台上例牌好多"阿姐"唱歌擾攘,仲不時落台同大家握手影相,我地個枱都有兩位代表丫~今年收到同事贈送既大盒電單車模型,1:6呀~多謝晒先

食到七點幾,大家都食唔晒個盆同有啲疲態,於是打的去新b仔食糖水甜品.之後就同大豆,大力一齊搭輕鐵,我就落車先過佢地~
咁又一年啦,望下年大家都健健康康,開開心心.