無間道

今晚放工返到屋企,見老豆係客廳度睇電視.我平心靜咁問老豆幾個問題,答案同佢係尋晚認錯之前既一樣:無拖過人地手行街;無見過老媽既lab result;無同人地有咩關係;無傷口在身....既然都認咗錯,話會改,咁點解仲要否認呢啲問題呢?老豆仲話可以俾我睇吓有無傷口...

唔通老豆無講大話?老媽都好似係有啲不盡不實,究竟邊個至係可信呢?我同大佬成為咗老媽鋤老豆既棋子?老豆唔係所講中咁過份?

一家人搞到好似各懷鬼胎咁,唔知邊句至係真話,都幾可悲吓....

返工要同啲客人,麻煩同行避免衝突,已經好攰,返到屋企都仲要繼續有防心,真係有點那過.親人唔係應該係最值得信任同依賴嗎?屋企唔係應該係最令人放鬆既地方嗎?

兩老有否知道,佢地既爭執同不合作,的確令兩個兒子好難受,同為難呢?

ps:諗起陳永仁同黃sir講個句:"頂?點頂呀?你黎頂丫?"