由於身體不適既關係,今日都係留守區內,兩點左右到台灣女生樓下,同人家一齊行去太興食晏晝加下午茶,人家食雙拼米粉配凍檸茶,我就食雞中翼配凍奶茶(招牌"冰鎮奶茶").食完野上咗人家屋企睇vcd"複式二人世界",都幾搞笑,結局又出人意表.跟住我地騎羊去置樂食咖哩魚蛋(人家食多條腸仔),行咗個圈睇玩具,再係惠康買少少啤酒,人家仲買咗盒大型愉快動物餅添(舊稱"得意動意餅"),之後就直駛入我條村.
返到屋企,上陣網,就開飯啦.老媽今晚炒蜆,但當然比尋晚易入口得多啦~自從人家黎我屋企食飯後,老媽都好似笑多咗,少咗啲戾氣,可能佢係鐘意女仔多過男仔啦,當年佢都係想生女既,點知兩個都係有"柄"~
