過山車心情

今日既心情真係大忽高忽低,因為尋晚同台灣女生既飯局真係麻麻既關係,一放工就駕羊去人家樓下接人家去市中心間惠比壽食晏晝飯.因為呢間店就到三點就會唔比客入門,要準傋落場,所以之前幾次都人家都無緣幫親.今日卒之都可以同人家食到啦,啲野食水準好過尋晚,人家食得開心,總算良心無咁難過,心情好番啲.之後買啲野上我屋企,就打住nds孖室賽車(我送俾家既生日禮之一)黎等食飯,見人家玩得高興,心情又好再番啲.

食完晚飯,諗住同人家一齊玩我買俾自己做生日禮物既變形金剛masterpiece Starscream(星星叫),當我雀躍萬分咁變形時,"啪"一舊機背部件飛脫,本來一心諗住係大力得滯,入番"筍"位就ok,點知原來係少咗口螺絲導致部件不隱固......

呢款係我咁大個仔最精細同大隻既變形金剛(BT系列)兼且係MASTERPIECE添,行咗妤幾間鋪格價,以四百六十大元購入o架.......點解你咁命苦呀??雖然唔係好似超合金咁多金屬部份,但都唔係咁化學o架..好耐之前我己經有架macross yf-19 個機頭斷咗....

其實係前面望都唔太知機背出咗事,希望膠水可以拯救星星叫啦~~~嗚~~嗚~~~~~~