返完夜,訓到成兩點至起身,好攰,好辛苦..同台灣女生傾咗陣電話,約四點左右係人家樓下集合,一齊出旺角.為咩?咪又係整電話囉.出到去好唔想去既nokia維修中心,例牌"禁"飛等.去到counter話個上次整完panel
掣兼upgrade software之後,screen儍晒,hang機,就放低部機,同人家行去北海道
活壽司食晚飯(我既第一餐正餐).今次既蟹腹肉無咁好食,雖然係大塊咗.多咗好幾樣壽司,其中芝士海鮮軍艦幾好食,我地叫咗兩碟.番工咁辛苦,我出手叫咗個活粒貝壽司兼刺身食($50).
食完飯啱啱好一個鐘,上番維修中心攞機,姐姐仔話換咗個屏幕,同再入過個程式(上次upgrade完程式至出事o架喎).人家問姐姐部機即係咩事,姐姐仔只係答番同一樣野,無答過.算啦算啦,無事就算啦,同人家搭番巴士入屯門,期間花畫面又出現......
人家約舊同學聚舊,所以送人家去到叠茵庭門口,自己就行返去西鐵站,搭輕鐵返屋企,換過件衫,就出發去andrew家飲野.
食完飯啱啱好一個鐘,上番維修中心攞機,姐姐仔話換咗個屏幕,同再入過個程式(上次upgrade完程式至出事o架喎).人家問姐姐部機即係咩事,姐姐仔只係答番同一樣野,無答過.算啦算啦,無事就算啦,同人家搭番巴士入屯門,期間花畫面又出現......
人家約舊同學聚舊,所以送人家去到叠茵庭門口,自己就行返去西鐵站,搭輕鐵返屋企,換過件衫,就出發去andrew家飲野.
主人家愛犬hercus同大力仔都係陪住我地飲紅酒,傾吓飲吓,成五點幾至走,已經日出了打搞晒andrew,同兩位伴酒犬隻~~
